नवी दिल्ली - देशात कोरोना लसीकरण मोहिमेला सुरुवात होऊन एक महिना झाला आहे. सध्या दुसऱ्या टप्प्यातील डोस दिले जात आहेत. यातच सोमवारी केंद्रीय आरोग्यमंत्री डॉक्टर हर्षवर्धन यांनी लसीकरणाबाबत मोठी घोषणा केली आहे. त्यांनी म्हटलं की, 50 वर्षांवरील नागरिकांना मार्चपासून लस देण्यात येईल. तसंच आठवड्याभरात 188 जिल्ह्यांमध्ये एकही कोरोनाचा नवीन रुग्ण आढळलेला नाही.
केंद्रीय आरोग्य मंत्री म्हणाले की, लोकांनी अजुनही कोरोनाच्या नियमांचे पालन करायला हवे. प्रत्यक्षात लसीकरणासह इतर गोष्टींची काळजी घेण्याचं आवाहन त्यांना नागरिकांना केला. देशात सध्या दोन लसी उपलब्ध आहेत. आतापर्यंत 80 ते 85 लाख आरोग्य कर्मचारी आणि कोरोना योद्ध्यांना लस देण्यात आली आहे. सरकारच्या कामगिरीबाबत सांगताना डॉक्टर हर्षवर्धन म्हणाले की, आपण आता 20-25 देशांना लस पुरवू शकतो.
सध्या देशात 18 ते 20 लशींवर वेगवेगळ्या टप्प्यात काम सुरु आहे. यामध्ये काही लसी पुढच्या काही महिन्यात येऊ शकतात. सर्वांसाठी आरोग्य सेवेचं स्वप्न कुठं पूर्ण होऊ शकतं तर ते फक्त भारतात. प्राचीन चिकित्सा पद्धतीसह देशात आरोग्यासाठी मोठं नेटवर्क आपण उभा करू शकतो असंही ते म्हणाले.
देशात आतापर्यंत 1 कोटी 9 लाख 16 हजार 589 लोकांना कोरोनाची लागण झाली आहे. यापैकी 1 कोटी 6 लाख 21 हजार 220 लोक कोरोनामुक्तही झाले आहेत. सध्या देशाच कोरोनामुक्त होण्याचं प्रमाण हे 97.29 टक्के इतकं झालं आहे. जगात सर्वात कमी मृत्यूदर भारतात 1.43 टक्के इतका आहे असंही डॉक्टर हर्षवर्धन यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.