Video|...अन् उमेदवारी अर्ज घेऊन धावत निघाले युपीचे क्रीडा मंत्री

उत्तर प्रदेशमध्ये (Uttar Pradesh) सध्या विधानसभा निवडणुकांसाठी (Assembly Elections 2022) तयारी सुरु झाली असून, उमेदवारी अर्ज भरण्याचा आज शेवटचा दिवस आहे. त्यामुळे उमेदवारी अर्ज न भरलेल्या सर्व पक्षाच्या उमेदवारांनी आज धावपळ सुरु केली आहे. अशातच उत्तर प्रदेशचे क्रीडा मंत्री उपेंद्र तिवारी (Sports Minister Upendra Tiwari) यांचा एक व्हिडीओ समोर आला आहे. तिवारी यांनी बलिया येथील जिल्हाधिकारी कार्यालयात उशीर झाल्याने पळतच कार्यालय गाठल्याचं दिसतंय. (Sports Minister Upendra Tiwari Sprinted Video)

उमेदवारी अर्ज दाखल करण्याचा आजचा शेवटचा दिवस आहे. आज दुपारी ३ वाजेपर्यंत उमेदवारी अर्ज भरायची मुदत आहे. मात्र अर्ज भरण्याची प्रक्रिया मोठी असल्यानं त्यासाठी वेळ लागतो. त्यामुळे उपेंद्र तिवारी यांनी धावत कार्यालय गाठल्याचं दिसतंय. ट्विटरवर हा व्हिडिओ व्हायरल झाल्यानंतर त्यावर भन्नाट प्रतिक्रीया आल्याचं दिसतं आहे. ते क्रीडा मंत्री असल्यानं धावणं हे त्यांचं कामच असल्याचं काहींनी म्हटलं आहे.