डेहराडूनमधील ट्रेंचिंग मैदानाला भीषण आग; धुराच्या लोटांमुळे उडाला गोंधळ!

डेहराडून : उत्तराखंडची राजधानी असणाऱ्या डेहराडूनच्या सहस्त्रधारा रोडवर स्थित ट्रेंचिंग मैदानावरील लाखो टन कचऱ्याला आग लागली होती. त्यामुळे काहीकाळ अनागोंदी माजली होती. अग्निशमन दलाच्या गाड्य़ा घटनास्थळी पोहोचेपर्यंत आगीने भीषण रुप धारण केले होते. थोड्या वेळात आग विझवण्यात अग्निशमन दलाच्या जवानांना यश आले. मात्र, परिसरात धूर पसरल्यामुळे रहिवाशांमध्ये घबराट पसरली होती. 

ताज्या बातम्यांसाठी डाऊनलोड करा ई-सकाळचे ऍप

डेहराडूनच्या ट्रेंचिंग मैदानावर गेल्या काही वर्षांपासून लाखो टन कचरा पडून आहे. या मैदानावर डेहराडून शहरातील कचरा अनेक वर्षे टाकला जायचा. त्यानंतर शीशमबाडा सॉलिड वेस्ट मॅनेजमेंटने या प्रकरणी लक्ष्य घातल्यानंतर या मैदानावर कचरा टाकणे बंद झाले. मात्र, या मैदानावर पडून असलेल्या कचऱ्याचे कोणत्याही प्रकारची विल्हेवाट लावण्यात आलेली नव्हती. त्यामुळे हा कचरा मैदानावर तसाच पडून होता. उन्हाळ्याच्या दिवसात या कचऱ्याला अनेकदा आग लागली आहे. त्यामुळे स्थानिकांना अनेक अडचणींना सामोरे जावे लागले आहे. 

- 'चीनी ड्रॅगन आणि भारतीय हत्ती...'; भारत-चीनमधील तणावपूर्ण परिस्थितीबद्दल चीनी राजदूत काय म्हणाले पाहा

दरम्यान, सोमवारी (ता.२७) कचऱ्याला आग लागल्यानंतर उशिराने अग्निशमन दलाच्या गाड्या घटनास्थळी पोहोचल्या आणि आग विझवण्याचा प्रयत्न केला. आग मोठ्या प्रमाणात लागल्यामुळे आजूबाजूच्या परिसरात धूराचे लोट पसरले होते. अनेक लोकांना श्वास घेण्यास त्रास जाणवत असल्याची माहिती स्थानिकांनी दिली. या ठिकाणी वारंवार आग लागण्याचे प्रसंग घडत असून यासंबंधीच्या तक्रारी स्थानिकांनी प्रशासनाकडे दिल्या आहेत. मात्र, त्याकडे दुर्लक्ष केलं जात आहे.

भारत-चीन तणाव वाढला! मोदींनी घेतली तिन्ही सैन्य दलांच्या प्रमुखांची भेट

नगर निगमचे मुख्य नगर स्वास्थ्य अधिकारी डॉक्टर कैलाश जोशी म्हणाले की, उन्हाळ्याच्या दिवसात साठलेल्या कचऱ्यामध्ये मिथेन गॅसची निर्मिती होती. त्यामुळे वारंवार आग लागण्याच्या घटना घडतात. या ठिकाणीही वारंवार आग लागण्याचे प्रसंग घडत आहेत. त्यामुळे प्रशासनाने यावर वेळीच लक्ष्य द्यावे.

- वैज्ञानिकांना मोठे यश; covid-19 ला निष्क्रिय करणाऱ्या दोन जीवाणूंचा शोध