वाराणसीतील पंडितांनी त्यांच्या मतदारसंघातून खासदार असलेल्या पंतप्रधान मोदींकडे एक आगळीवेगळी दक्षिणा मागितली आहे.
लखनऊ - वाराणसीतील पंडितांनी त्यांच्या मतदारसंघातून खासदार असलेल्या पंतप्रधान मोदींकडे एक आगळीवेगळी दक्षिणा मागितली आहे. यात त्यांनी काश्मीरच्या खोऱ्यात पु्न्हा एकदा वैदिक मंत्रांचा आवाज घुमला पाहिजे असं म्हटलं आहे. ही मागणी पूर्ण करण्यासाठी त्यांनी पंतप्रधान नरेंद्र मोदींना पत्रही लिहिलं आहे. वाराणसीत काशी विद्वत कर्मकांड परिषदेची स्थापना करण्यात आली आहे.
परिषदेनं सर्वात आधी काश्मिरमध्ये बंद पडलेल्या मंदिरांचा मुद्दा उपस्थित केला आहे. यामध्ये काश्मीरच्या बंद पडलेल्या मंदिरात पुन्हा एकदा पूजन आणि वैदिक मंत्र सुरु करण्याची मागणी केली आहे. परिषदेचे अध्यक्ष आणि काशी विश्वनाथ मंदिराच्या न्यासाचे माजी अध्यक्ष पंडित अशोक द्विवेदी यांनी यासंदर्भात पंतप्रधान मोदींना पत्र लिहिलं आहे.
काश्मीरमध्ये शेकडो मंदिरे आहेत. यामधील ४० मुख्य मंदिरे ही बंद अवस्थेत आहेत. त्या मंदिरात पुन्हा एकदा काशीच्या पंडितांना पूजा पाठ करायचा आहे. पुन्हा एकदा सनातन संस्कृतीचे पुनरज्जीवन करायचं असून मोदींकडे आम्ही मागणी करतो की, आम्हाला दक्षिणा म्हणून यासाठी परवानगी मिळावी.
पंतप्रधान नरेंद्र मोदी यांनी आतापर्यंत पाच वेळा काशी विश्वनाथ मंदिरात पूजा केली आहे. यावेळी मुख्य पुजाऱ्यांपैकी एक असे अशोक द्विवेदी हे आहेत. आता त्यांनी काशीच्या पंडितांनी त्यांचे हक्काचे खासदार असलेल्या पंतप्रधान मोदींकडे दक्षिणा मागितली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
