'योग्य संधी चालून आलीय, भाजपच्या पराभवासाठी महाआघाडीत एकत्र या' I Political News | Sakal
sakal

बोलून बातमी शोधा

Narendra Modi

'आपला अहंकार बाजूला ठेवून भाजपशी दोन हात करण्यासाठी ही योग्य संधी चालून आलीय.'

'योग्य संधी चालून आलीय, भाजपच्या पराभवासाठी महाआघाडीत एकत्र या'

Goa Assembly Election 2022 : गोव्यातील आगामी विधानसभा निवडणुकीसाठी भाजपला (BJP) विरोध करणाऱ्यांनी एकत्र येण्याची वेळ आलीय. GFP, काँग्रेस, तृणमूल काँग्रेस (TMC) आणि महाराष्ट्रवादी गोमंतक पक्ष (MGP) यांनी सत्ताधारी भाजपचा अहंकार मोडून काढण्यासाठी व्यापक आघाडीचा भाग म्हणून हातमिळवणी करायला हवी, असं स्पष्ट आवाहन गोवा फॉरवर्ड पार्टीचे (जीएफपी) अध्यक्ष विजय सरदेसाई (Vijay Sardesai) यांनी भाजप विरोधी पक्षांना केलंय.

सरदेसाईंच्या GFP नं आधीच काँग्रेससोबत (Congress) निवडणूकपूर्वी युतीची घोषणा केलीय, तर MGP आणि TMC नं 40 सदस्यांच्या विधानसभेच्या निवडणुकीसाठी त्यांची युती केलीय. गुरुवारी मडगाव शहरात पत्रकारांशी बोलताना सरदेसाई म्हणाले, कोविड निर्बंधांच्या नावाखाली निवडणूक प्रचारादरम्यान भाजप इतर पक्षांसोबत घाणेरडं राजकारण करत आहे. सध्या कोरोना विषाणूची (Coronavirus) परिस्थिती आणि पॉझिटिव्ह रुग्णांची वाढती संख्या पाहता, हे निर्बंध लागू होतील. यामुळं भाजपला निर्बंधांच्या नावाखाली गलिच्छ राजकारण खेळण्यास मदत होणार असल्याचं त्यांनी म्हंटलंय.

हेही वाचा: 'काँग्रेसवाल्यांनो, तुम्ही मोदींचं काहीच वाकडं करु शकत नाही'

सरदेसाई पुढे म्हणाले, निर्बंध लादल्यास भाजपला याचा फायदा होणार असून निर्बंधांच्या आडून आमच्या रॅलींना परवानगी देण्यास सरकार टाळाटाळ करत आहे. गोव्याला भाजप व्हायरसपासून मुक्त करण्यासाठी आम्हाला 'टीम गोवा' आवश्यक आहे. यासाठी काँग्रेस, गोवा फॉरवर्ड (Goa Forward Party), टीएमसी आणि एमजीपी यांनी एकत्र आलं पाहिजे. आपला अहंकार बाजूला ठेवून भाजपशी दोन हात करण्यासाठी ही योग्य संधी चालून आली असल्याचेही त्यांनी सांगितले. मात्र, यात सरदेसाईंनी आम आदमी पक्षाचा (Aam Aadmi Party) कुठेच उल्लेख केला नाही.

हेही वाचा: माजी आमदाराच्या सुपुत्राचा मुश्रीफांच्या कट्टर कार्यकर्त्याकडून 'करेट' कार्यक्रम

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top