- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली - गेल्या काही दिवसांपासून सोशल मीडियावर एक मेसेज व्हायरल होत आहे. यामध्ये असा दावा केला जात आहे की, लोकसभा अध्यक्ष ओम बिर्ला यांची मुलगी अंजली बिर्लाने परीक्षा न देताच आयएएस झाली आहे. फक्त तिचंच नाही तर तिच्यासोबत 90 जणांना परीक्षा न घेता प्रशासकीय सेवेत समाविष्ट करून घेतल्याचं या मेसेजमध्ये म्हटलं आहे.
अनेकांनी असं लिहिलं आहे की, सरकार आता गरीब आणि ग्रामीण भागातील लोकांच्या मुलांसाठी युपीएससीच बंद करण्याची तयारी करत आहे. खरंतर अशी पोस्ट व्हायरल होण्याचं कारणही तसंच आहे. कारण इतर कोणाच्या निकालाची चर्चा झालेली नाही. तसंच हा मधेच निकाल कुठून लागला असाही प्रश्न पडत आहे.
एफपीने व्हायरल मेसेजचे सत्य शोधण्याचा प्रयत्न केला. त्यामध्ये मुख्य परीक्षेच्या निकालाची यादी त्यांनी दिली आहे. 2019 च्या यादीमध्ये अंजली बिर्लाचे नाव आणि रोल नंबर दोन्हीही होते. तसचं अंजलीचे नाव युपीएससीच्या वेबसाइटवरसुद्दा आहे. यावरून स्पष्ट होतं की, ओम बिर्ला यांची मुलगी परीक्षा देऊनच तिच्या अभ्यासाच्या जोरावर आयएएस झाली आहे.
अंजली बिर्लाने 2019 मध्ये युपीएससीची परीक्षा दिली होती. या परीक्षेचे निकाल 4 ऑगस्ट 2020 रोजी लागले. एकूण 927 जागांसाठी घेण्यात आलेल्या या परीक्षेनंतर युपीएससीने 829 जागांचे निकाल जाहीर केले होते. तर 98 जागांचे निकाल राखून ठेवले होते. या उर्वरीत जागांचा निकाल 5 जानेवारी 2021 ला लागला. यापैकी 89 विद्यार्थ्यांची यादी जाहीर करण्यात आली. त्यामध्ये अंजलीचा नंबर लागला.
अंजलीने पहिल्याच प्रयत्नात हे यश मिळवलं आहे. बहीण आकांक्षाला आपल्या या यशाचं श्रेय तिने दिलं आहे. अंजलीने सांगितलं की, युपीएससीची तयारी करत असताना मोठ्या बहिणीने प्रेरणा दिली. ती फक्त प्रोत्साहन देत होती असं नाही तर अभ्यास आणि परीक्षा यासह मुलाखतीपर्यंत सर्व गोष्टींमध्ये तिने मोलाची मदत केली. यावेळी आई अमिता आणि बाबा ओम बिर्ला यांनीही स्वत:वर विश्वास ठेवण्यास सांगितलं.
लोकसेवा आयोगाच्या परीक्षेत यश मिळालेल्या अंजलीने सांगितलं की, कोटामधील सोफिया स्कूलमधून कला शाखेतून 12 वीची परीक्षा उत्तीर्ण केली. त्यानंतर रामजस कॉलेजमध्ये राज्यशास्त्राची पदवी घेतली. पुढे एक वर्ष दिल्लीत राहून युपीएससीची तयारी केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.