प्रसिद्ध मंदिराच्या लाडू प्रसादात आढळले झुरळ; व्हिडिओ व्हायरल होताच देवस्थान प्रशासनाला खडबडून जाग, भाविकांची वाढली चिंता

श्रीशैलम (आंध्र प्रदेश) : सोशल मीडियावर एक व्हिडिओ प्रचंड वेगाने व्हायरल होत असून त्यामध्ये आंध्र प्रदेशातील प्रसिद्ध श्रीशैलम देवस्थानम मंदिरात (Srisailam Devasthanam Temple) दिल्या जाणाऱ्या लाडू प्रसादामध्ये (Temple Laddu Controversy) झुरळ आढळल्याचा दावा करण्यात आला आहे. या व्हिडिओमुळे भाविकांमध्ये चिंता निर्माण झाली असून देवस्थानम प्रशासनाकडे यासंदर्भात तक्रारही दाखल करण्यात आली आहे.