Waqf Board Amendment Act : संसदेच्या दोन्ही सभागृहांमध्ये 'वक्फ सुधारणा विधेयक 2025' मंजूर झाल्यानंतर आता हतबल झालेल्या मुस्लिम पर्सनल लॉ बोर्डानं शेवटचा पर्याय म्हणून राष्ट्रपतींना साकडं घालण्याचा निर्णय घेतला आहे. यासाठी त्यांनी राष्ट्रपती द्रौपदी मुर्मू यांची तातडीची भेट मागितली आहे. राष्ट्रपतींची भेट घेऊन त्यांनी या विधेयकावर सही करु नये अशी विनंती करण्यात येणार आहे. याबाबत अधिकृत निवेदनच मुस्लिम पर्सनल लॉ बोर्डाकडून प्रसिद्ध करण्यात आलं आहे.
