West Bengal Violence: निवडणुका संपताच बंगालमध्ये उसळला हिंसाचार; TMC नेत्याच्या घरावर फेकला बॉम्ब, भाजप कार्यालयाची तोडफोड

West Bengal Violence: निवडणुका संपताच बंगालमध्ये पुन्हा हिंसाचार सुरू झाला आहे. कूचबिहारमध्ये एका भाजप नेत्याला मारहाण करण्यात आली आणि नादियामध्ये टीएमसी नेत्याच्या घरावर क्रूड बॉम्ब फेकण्यात आले.
west bengal violence desi bomb drown in tmc leader house bjp leader beaten
west bengal violence desi bomb drown in tmc leader house bjp leader beaten Esakal

लोकसभा निवडणुकीचे निकाल समोर आले असून सलग तिसऱ्यांदा मोदी सरकार स्थापन होणार आहे. पश्चिम बंगालमध्ये टीएमसीने भाजपवर मात केली आहे. TMC ने भाजपचा 29-12 ने पराभव केला. आता निवडणुका संपल्यानंतर बंगालमध्ये हिंसाचार सुरू झाला आहे. बुधवारी अनेक भागात अनेक घटना घडल्याचे पोलिस अधिकाऱ्यांचे म्हणणे आहे. कूचबिहारमध्ये भाजपच्या एका कार्यकर्त्यावर टीएमसीशी संबंधित लोकांनी बंदुकीने हल्ला केला.

या घटनेचा व्हिडिओही समोर आला आहे. दुसरीकडे, नादियातील टीएमसी युवा नेत्याच्या घरावर क्रूड बॉम्ब फेकण्यात आले. तर 24 परगणामध्ये काही लोकांनी भाजप कार्यकर्त्यांच्या घरांची आणि कार्यालयांची तोडफोड केली.

लोकसभा निवडणुकीचे निकाल जाहीर झाले त्यानंतर लगेचच एका दिवसात बुधवारी राज्यभरातून मतदानोत्तर हिंसाचाराच्या अनेक घटना घडल्या, असे पोलिसांनी सांगितले आहे. कूचबिहार जिल्ह्यातील नताबडी भागात भाजपच्या एका कार्यकर्त्यावर टीएमसी समर्थकाने बंदुकीने हल्ला केल्याची घटना घडली आहे. ते म्हणाले की, कथित घटनेच्या व्हिडिओमध्ये स्थानिक रहिवासी बंदुक घेऊन पळत असलेल्या टीएमसी कार्यकर्त्याचा पाठलाग करताना दिसत आहेत.

west bengal violence desi bomb drown in tmc leader house bjp leader beaten
Crime News: 'भेटायला ये नाहीतर तुला नापास करेन...', धमकी देत JNUच्या प्राध्यापकाने विद्यार्थिनीला पाठवले अश्लील मेसेज अन्...

TMC नेत्याच्या घरावर फेकले बॉम्ब, भाजप कार्यालयाची तोडफोड

दुसरीकडे, शांतीपूर, नादिया येथे एका तरुण टीएमसी नेत्याच्या घरावर क्रूड बॉम्ब फेकण्यात आल्याचा आरोप आहे. तर उत्तर 24 परगणा जिल्ह्यातील भाटपारा येथे काही लोकांनी भाजप कार्यकर्त्यांच्या घरांची तोडफोड केल्याचा आरोप आहे. जिल्ह्यातील एका वेगळ्या घटनेत, मध्यग्राम भागातील डझनहून अधिक घरे आणि भाजप कार्यालयाची काही लोकांनी तोडफोड केल्याचा आरोप पोलिसांनी केला आहे. पोलिसांनी दिलेल्या माहितीनुसार, परिस्थिती नियंत्रणात आणण्यासाठी केंद्रीय दले घटनास्थळी दाखल झाली आहेत. सैनिक निघून जाताच आरोपी परतले आणि त्यांनी पुन्हा परिसरात तोडफोड केली.

west bengal violence desi bomb drown in tmc leader house bjp leader beaten
PM Modi : मोदींवर जगभरातून शुभेच्छांचा वर्षाव; पंतप्रधानांच्या नेतृत्वाखाली द्विपक्षीय संबंध बळकट करण्याची अपेक्षा

भाजप आणि तृणमूल काँग्रेसमध्ये संघर्ष

भाजपने टीएमसीला दोष देताना, सत्ताधारी पक्षानेही दावा केला आहे की, भाजपमधील प्रतिस्पर्धी गटांमधील वादामुळे हा संघर्ष झाला. दक्षिण 24 परगणा जिल्ह्यातील हावडा आणि नरेंद्रपूर येथे अशाच घटना घडल्या, जिथे भाजप कार्यकर्त्यांच्या घरांची कथितपणे तोडफोड करण्यात आली, असे पोलिसांनी सांगितले. दुर्गापूरमध्ये सीपीआय(एम) नेत्याच्या मुलीच्या दुकानाची कथितपणे तोडफोड करण्यात आली.

west bengal violence desi bomb drown in tmc leader house bjp leader beaten
INDIA vs NDA: मोदींना सत्तेतून खेचणार? ही तर लोकांची ईच्छा, योग्य वेळी पाऊले उचलणार; सत्तास्थापनेबाबत खर्गे स्पष्टच बोलले

आपल्या पक्षाच्या कार्यकर्त्यांवरील हल्ल्यांवर प्रतिक्रिया देताना, भाजपने टीएमसीवर राज्यात “दहशतीचे राज्य” पसरवल्याचा आरोप केला. भाजपचे प्रवक्ते समिक भट्टाचार्य म्हणाले, "निवडणूक निकाल जाहीर झाल्यानंतर टीएमसीने दहशतीचे साम्राज्य पसरवले आहे. 2021 च्या विधानसभा निवडणुकीनंतर झालेल्या मतदानानंतरच्या हिंसाचाराची ही पुनरावृत्ती आहे. आम्ही ममता बॅनर्जी सरकारला आवाहन करून विनंती करतो की, अशा घटना पुन्हा घडणार नाहीत" मात्र, या घटनांवर तृणमूल काँग्रेसकडून कोणतीही प्रतिक्रिया आलेली नाही.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com