Railway: रेल्वे स्टेशनचे नाव फक्त पिवळ्या बोर्डवरच का लिहिले जाते? यामागे काय कारण आहे, जाणून घ्या

Why Railway Station Board Are Yellow: तुम्ही कधी विचार केला आहे का की देशभरात हजारो रेल्वे स्थानक आहेत, परंतु सर्व रेल्वे स्थानकांवर फक्त पिवळ्या फलकांवरच स्थानकांची नावे लिहिलेली का आहेत?

जर तुम्ही कधी विचार केला असेल तर तुम्ही नेहमी पिवळ्या साईन बोर्डवर रेल्वे स्थानकांची नावे काळ्या अक्षरात लिहिलेली पाहिली असतील. याशिवाय रेल्वे स्थानकावर असलेल्या इतर सूचनाही बहुतांशी पिवळ्या फलकावर लिहिलेल्या असतात. यामागचे कारण तुम्हाला माहीत आहे का?

भारतात 7,000 हून अधिक मोठी आणि लहान रेल्वे स्थानके आहेत. सर्व स्थानकांवरच्या नावाच्या फलकाचा रंग सारखाच आहे आणि तोही पिवळा. काळा, निळा किंवा लाल नाही.

हा योगायोग नसून त्यामागे वैज्ञानिक कारणही आहे. एकसमानता दाखवण्यासाठी सर्वत्र एकच रंग ठेवण्यात आला आहे. वेगवेगळ्या रंगांमुळे रेल्वेच्या चालकाला ओळखण्यात अडचण येऊ शकते.

रेल्वे स्थानकांची नावे पिवळी का असतात?

पिवळा रंग निवडण्यामागील कारण म्हणजे हा रंग दुरून चमकतो आणि डोळ्यांना या रंगाचा त्रास होत नाही. यामुळे रेल्वेचा लोको पायलट दुरूनच पाहू शकतो. चमकदार पिवळा रंग दिवसा आणि रात्री दोन्ही वेळी स्पष्टपणे दिसतो.

याद्वारे रेल्वेच्या लोको पायलटला योग्य प्लॅटफॉर्मवर थांबण्याच्या ठिकाणाची माहिती मिळते तसेच रेल्वे कुठे थांबवायची याची माहिती मिळते. याचे शास्त्रीय कारण पाहिल्यास पिवळ्या रंगाची वेवलेंथ 570 ते 590 नॅनोमीटर असते. त्यामुळे हा रंग दुरूनच दिसतो.

पिवळ्या फलकावर काळ्या अक्षरात नाव का लिहिले आहे?

पिवळ्या बोर्डवर स्टेशनचे नाव लिहिण्यासाठी काळा रंग वापरला जातो कारण पिवळ्या बोर्डवर काळा रंग जास्त उठून दिसतो. आणि दूरवरूनही तो रंग स्पष्ट दिसतो. याशिवाय लाल रंग हा रेल्वेसाठी धोक्याचा रंग आहे. म्हणूनच हा रंग फक्त रेल्वे थांबवण्यासाठी वापरला जातो.