लग्नाच्या पहिल्या वाढदिवसाची रात्र सुन्न करणारी...

women beaten in mandi video viral
women beaten in mandi video viral

मंडी (हिमाचल प्रदेश): दोघांच्या लग्नाचा पहिलाच वाढदिवस. वाढदिवसाच्या रात्री नवरा आणि सासूने विवाहितेला बेदम मारहाण केली. रात्रभर फक्त ते मारहाणच करत राहिले. महिलेच्या आईने मारहाणीचा व्हिडिओ सोशल मीडियावर व्हायरल केल्यानंतर खळबळ उडाली आहे.

नेटिझन्सनी व्हिडिओ पाहून तीव्र प्रतिक्रिया व्यक्त केल्या. पोलिसांनी गुन्हा दाखल करून पती आणि सासूला अटक केली आहे. प्रसारमाध्यमांनी दिलेल्या वृत्तानुसार, मंडी येथील थलाट येथे राहणाऱ्या खुशबूचे 26 जानेवारी 2019 रोजी पानारसा येथे राहणाऱ्या चिरंजीशी विवाह झाला होता. विवाहानंतर सासरच्यांनी खुशबूला मानसिक व शारिरीक त्रास देण्यास सुरवात केली. छळ असह्य झाल्यानंतर खुशबू पोलिसांकडे तक्रार देण्यासाठी गेली होती. परंतु, सासरच्यांनी घरगुती कारण पुढे करत प्रकरण दाबले होते. 26 जानेवारी 2020 रोजी लग्नाचा वाढदिवस होता. मात्र, याच दिवशी चिरंजी आणि त्याची आई इंद्रदेवी यांनी खुशबूला रात्रभर बेदम मारहाण केली. ओरडू नये म्हणून तोंड बांधून ठेवले. दुसऱया दिवशी खुशबूने आपल्या आईला याबाबत सांगितले. खुशबूच्या आईने मारहाणीचा व्हिडिओ तयार करून सोशल मीडियावर व्हायरल केला व न्याय मागितला. शिवाय, ऑटो पोलिस स्टेशनमध्ये जाऊन तक्रार दाखल केली आहे. संबंधित व्हिडिओ व्हायरल होत असून, काही तासांमध्येच व्हिडिओ 81 हजार शेअर झाला असून, 20 हजार प्रतिक्रिया आहेत. शिवाय, 43 हजार जणांनी लाईक केला आहे.

पोलिस अधीक्षक गरदेव शर्मा म्हणाले, याबाबत तक्रार दाखल झाली असून, पती व सासूला अटक करण्यात आली आहे. याबाबतचा पुढील तपास सुरू आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com