यशवंत सिन्हांकडून CAA बाबत मोठे विधान; म्हणाले...

नवी दिल्ली : राष्ट्रपती म्हणून निवडून आलो तर नागरिकत्व दुरुस्ती कायदा (CAA) लागू होणार नाही याची काळजी घेईन, असे विरोधी पक्षाचे राष्ट्रपती पदाचे उमेदवार यशवंत सिन्हा यांनी सांगितले. आसाममधील गुवाहाटी येथे विरोधी पक्षाच्या खासदारांशी संवाद साधताना सिन्हा (Yashwant Sinha) यांनी हे सांगितले. (Yashwant Sinha Latest News)

भाजपच्या नेतृत्वाखालील सरकारने अद्याप सीएए लागू केलेले नाही. कारण, ते घाईत ‘मूर्ख मसुद्या’सारखे बनवले गेले आहे. नागरिकत्व हा आसामसाठी मोठा प्रश्न आहे. सरकारला हा कायदा देशभरात आणायचा होता. परंतु, अद्याप ते करू शकले नाही, असेही आसाममधील (Assam) विरोधी खासदारांशी संवाद साधताना यशवंत सिन्हा (Yashwant Sinha) म्हणाले.

पूर्वी सरकारने कोरोना विषाणूचे निमित्त पुढे केले. कोरोना आटोक्यात आल्यानंतरही ते नागरिकत्व दुरुस्ती कायदा लागू करू शकलेले नाही. कारण, हे घाईघाईने केलेले मूर्खपणाचे कृत्य आहे. मी राष्ट्रपती (President) म्हणून निवडून आल्यास सीएए लागू होणार नाही याची खात्री करेन, असेही यशवंत सिन्हा म्हणाले.

संविधानाला सत्तेत असलेल्यांकडून धोका

संविधानाला बाहेरील शक्तींकडून नाही तर सत्तेत असलेल्यांकडून धोका आहे. आपण त्याचे रक्षण केले पाहिजे, असेही यशवंत सिन्हा म्हणाले. यशवंत सिन्हा हे १८ जुलै रोजी होणाऱ्या निवडणुकांसाठी विरोधी पक्षांचा पाठिंबा मिळविण्यासाठी आसामच्या एक दिवसीय दौऱ्यावर होते.