नवी दिल्ली - कोरोनाच्या प्रादुर्भावामुळे यंदाच्या हज यात्रेसाठी सौदी अरेबियाने परदेशातील मुस्लीम भाविकांना हज यात्रेची परवानगी नाकारली आहे. त्यामुळे भारतीय मुस्लिमांसाठी यावर्षीची हज यात्रा रद्द झाली असल्याची माहिती केंद्रीय मंत्री मुख्तार अब्बास नक्वी यांनी मंगळवारी दिली. तर, यात्रेला जाण्यासाठी अर्ज केलेल्यांना सरकारकडून पूर्ण शुल्क परत केले जाणार असल्याचे त्यांनी या वेळी सांगितले.
तमिळनाडूत अडीच हजारांनी कोरोनाग्रस्तांची भर; ३५ हून अधिक मृत्युमुखी
सध्या जगभरात कोरोनाचा प्रादुर्भाव पसरलेला असून कोरोनाची दुसरी लाट येण्याची शक्यताही जागतिक आरोग्य संघटनेने (डब्ल्यूएचओ) वर्तवली होती. त्याच्या पार्श्वभूमीवर जगभरातील अनेक नियोजित कार्यक्रम रद्द करण्यात आले आहेत. त्यातच सौदी अरेबियाचे हज आणि उमराहचे मंत्री मोहम्मद सालेह बिन ताहर बेन्टेन यांनी केंद्रीय मंत्री मुख्तार अब्बास नक्वी यांच्याशी दूरध्वनीवर चर्चा करून यंदा परदेशातील मुस्लीम भाविकांना हज यात्रेसाठी सौदीमध्ये येण्याची परवानगी नसल्याचे सांगत यंदा यात्रेकरूंना पाठवू नये, अशी विनंतीही त्यांनी या वेळी केली. दरम्यान, यंदा हज यात्रेला जाण्यासाठी देशभरातून २ लाख ३० हजार यात्रेकरूंनी अर्ज केले होते. अर्जवेळी भरण्यात आलेले शुल्क कोणतीही कपात न करता केंद्र सरकार परत देणार आहे’, असं नक्वी यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.