Bank Layoff: IT नंतर आता बँकिंग क्षेत्रातही नोकरकपातीचं वादळ; AI आणि रोबोट्समुळे 7000 कर्मचाऱ्यांच्या नोकऱ्या धोक्यात

Banking Jobs Under Threat Due to AI and Robots: IT कंपन्यांमध्ये सुरू झालेल्या नोकरकपातीच्या बातम्या अजून थंडावलेल्या नाहीत, तोपर्यंत आता बँकिंग क्षेत्रातूनही धक्कादायक माहिती समोर आली आहे. एकेकाळी हजारो लोकांच्या रोजगाराचा आधार असलेल्या बँकांमध्ये आता AI, ऑटोमेशन आणि रोबोट्सची एंट्री वाढत चालली आहे. त्यामुळे ‘माणूस विरुद्ध मशीन’ ही चर्चा पुन्हा रंगू लागली आहे. जगप्रसिद्ध स्टँडर्ड चारटर्ड बँकेने हजारो कर्मचाऱ्यांची पदे कमी करण्याची तयारी सुरू केल्याने बँकिंग क्षेत्रात खळबळ उडाली आहे.