Banking : पदवीधरांसाठी SBIमध्ये नोकरीची संधी

मुंबई : बँकिंग क्षेत्रात नोकरी शोधणाऱ्या तरुणांसाठी सुवर्णसंधी आहे. स्टेट बँक ऑफ इंडिया (SBI) ने प्रोबेशनरी ऑफिसरच्या पदांसाठी भरती अधिसूचना प्रसिद्ध केली आहे.

या पदांसाठी अर्ज करण्यासाठी इच्छुक उमेदवार अधिकृत वेबसाइट sbi.co.in ला भेट देऊ शकतात. या भरतीद्वारे एकूण 1,673 PO पदे भरली जातील. उमेदवारांनी नोंद घ्यावी की अर्ज करण्याची शेवटची तारीख 12 ऑक्टोबर 2022 आहे. (SBI PO Recruitment 2022)

रिक्त जागांचा तपशील

एकूण पदे - 1,673

वय मर्यादा

या पदांसाठी अर्ज करणाऱ्या उमेदवारांचे वय 21 ते 30 वर्षे असावे. राखीव प्रवर्गातील उमेदवारांना नियमानुसार वयात सवलत दिली जाईल.

महत्वाची तारीख

ऑनलाइन अर्ज प्रक्रिया - 22 सप्टेंबर 2022

अर्ज करण्याची शेवटची तारीख - १२ ऑक्टोबर २०२२

शैक्षणिक पात्रता

या पदांसाठी अर्ज करू इच्छिणाऱ्या सर्व उमेदवारांनी मान्यताप्राप्त संस्थेतून कोणत्याही शाखेतील पदवीधर असणे आवश्यक आहे.

अर्ज फी

पीओ पदासाठी अर्ज करणार्‍या सामान्य श्रेणीतील उमेदवारांना अर्ज फी म्हणून 750 रुपये भरावे लागतील, तर अनुसूचित जाती, जमाती आणि अपंग उमेदवारांना कोणतेही शुल्क भरावे लागणार नाही.

निवड प्रक्रिया

निवड होण्यासाठी उमेदवारांना प्रिलिम्स, मुख्य आणि सायकोमेट्रिक चाचणी या तीन टप्प्यांच्या प्रक्रियेतून जावे लागेल.

परीक्षेची तारीख

उमेदवारांनी नोंद घ्यावी की पूर्वपरीक्षा १७, १८, १९, २० डिसेंबर रोजी होणार आहे. तर मुख्य परीक्षा 2023 च्या पहिल्या किंवा दुसऱ्या महिन्यात होण्याची शक्यता आहे. मार्च 2023 पर्यंत निकाल जाहीर होईल.