ट्रेनी- प्रोजेक्ट इंजिनिअर्ससाठी बंपर भरती! बी टेक झालेल्यांनी करा अर्ज

BEL Recruitment 2022 : भारत इलेक्ट्रॉनिक्स लिमिटेड (BEL) ने संरक्षण मंत्रालयाच्या अंतर्गत गाझियाबाद युनिट भारत एंटरप्राइझसाठी प्रशिक्षणार्थी अभियंता-I आणि प्रकल्प अभियंता-I च्या एकूण 63 पदांच्या भरतीसाठी अर्ज मागवले आहेत. इच्छुक उमेदवार 6 एप्रिल 2022 पर्यंत या पदांसाठी ऑनलाइन अर्ज करू शकतात.

BEL ने या भरतीसाठी अधिकृत अधिसूचना जारी केली आहे. उमेदवराने कोणत्याही मान्यताप्राप्त संस्थेतून B.E/B.Tech/B.sc (4 वर्षांचा अभ्यासक्रम) अभियांत्रिकी पदवी पूर्ण केलेली असावी. असेच उमेदवार या नोकरीसाठी अर्ज करू शकतात. उमेदवारांना bel-india.in या वेबसाईटवर जाऊन अर्ज भरायचा आहे

शैक्षणिक योग्यता

ट्रेनी इंजिनिअर- प्रोजेक्ट इंजिनिअर- ४ वर्षाचा B.E/B.Tech/B.SC हा अभ्यासक्रम मान्यताप्रात्त विद्यापिठातून अभियांत्रिकी पदवी घेतलेली असावी. सामान्य / EWS / OBC श्रेणीतील उमेदवारांकडे 55% किंवा अधिक गुणांसह अभियांत्रिकी पदवी असणे आवश्यक आहे. SC / ST / PwBD उमेदवारांकडे 55% पेक्षा कमी गुणांसह अभियांत्रिकी पदवी असावी.

अर्ज फी - ट्रेनी इंजिनिअर- जनरल / ओबीसी श्रेणीतील उमेदवारांना 200 रूपये भरावे लागतील. तर SC/ST उमेदवारांना अर्ज शुल्कात सूट दिली आहे.

प्रोजेक्ट इंजीनिअर- जनरल / ओबीसी श्रेणीतील उमेदवारांना 500 रूपये भरावे लागतील. तर तर SC/ST उमेदवारांना अर्ज शुल्कात सूट दिली आहे.

उमेदवाराचे वय- ट्रेनी इंजिनअर- सामान्य श्रेणीतील उमेदवारांसाठी वयोमर्यादा 32 वर्षे आहे. तर, SC/ST श्रेणीतील उमेदवारांसाठी 5 वर्षे आणि OBC श्रेणीतील उमेदवारांसाठी 3 वर्षे सूट दिली आहे.

प्रोजेक्ट इंजिनिअर- सामान्य श्रेणीतील उमेदवारांसाठी वयोमर्यादा २८ वर्षे आहे. तर SC/ST श्रेणीतील उमेदवारांसाठी ५ वर्ष आणि OBC श्रेणीतील उमेदवारांसाठी 3 वर्षे सूट दिली आहे.