भविष्यवेध : डिझाइन क्षेत्रातील वैविध्य

प्रा. विजय नवले, करिअर मेंटॉर

डिझाइन क्षेत्रात करिअर करू इच्छिणाऱ्या विद्यार्थ्यांसमोर ‘नाटा’ (आर्किटेक्चर), ‘एनआयडी’ आणि ‘एनआयएफटी’ हे तीन प्रमुख मार्ग आहेत. अनेकदा विद्यार्थ्यांना किंवा पालकांना वाटते की तिन्ही ठिकाणी फक्त ड्रॉइंगची आवड असली की पुरेसे आहे; परंतु प्रत्यक्षात या तिन्ही क्षेत्रांचे स्वरूप, कामाची पद्धत आणि आवश्यक कौशल्ये वेगवेगळी आहेत. त्यामुळे विद्यार्थ्याचा स्वभाव, ॲप्टिट्यूड, निरीक्षणशक्ती, कल्पकता आणि काम करण्याची पद्धत ओळखणे महत्त्वाचे ठरते.