Medical Admission : वैद्यकीय पदवी अभ्यासक्रमाच्या प्रवेश नोंदणीसाठी मुदतवाढ | Sakal
sakal

बोलून बातमी शोधा

Medical Student
Medical Admission : वैद्यकीय पदवी अभ्यासक्रमाच्या प्रवेश नोंदणीसाठी मुदतवाढ

Medical Admission : वैद्यकीय पदवी अभ्यासक्रमाच्या प्रवेश नोंदणीसाठी मुदतवाढ

पुणे - एमबीबीएस, बीडीएस, बीएचएमएस, बीएएमएस, बीयुएमएस अशा वैद्यकीय (Medical) पदवी व्यावसायिक अभ्यासक्रमांच्या प्रवेशासाठी (Admission) विद्यार्थ्यांना (Student) आता येत्या सोमवारपर्यंत (Monday) (ता. १०) मुदतवाढ (Extension) देण्यात आली आहे. या अभ्यासक्रमासाठी आतापर्यंत जवळपास ५५ हजार ७६२ विद्यार्थ्यांनी नोंद केली आहे. या अभ्यासक्रमाची तात्पुरती गुणवत्ता यादी गुरूवारी (ता.१३) जाहीर केली जाणार आहे.

राज्यात गेल्या वर्षीच्या तुलनेत यंदा आतापर्यंत झालेली नोंदणी ही तब्बल नऊ ते दहा हजारांनी कमी आहे. याचा विचार करून राज्य सामाईक प्रवेश परीक्षा कक्षाने (सीईटी सेल) प्रवेशासाठी नोंदणी करण्यात मुदतवाढ दिली आहे. प्रवेश नोंदणीसाठी दिलेल्या मुदतवाढीचे सविस्तर वेळापत्रक उमेदवारांच्या माहितीसाठी प्रवेश परीक्षा कक्षाच्या ‘www.mahacet.org’ या अधिकृत संकेतस्थळावर ‘नीट-युजी’ येथे उपलब्ध करून दिले आहे. तसेच सर्व आरोग्य विज्ञान अभ्यासक्रमांच्या प्रवेश फेऱ्यांचे वेळापत्रक सीईटी सेलमार्फत लवकरच जाहीर करण्यात येईल, अशी माहिती प्रवेश परीक्षा कक्षाचे आयुक्त रविंद्र जगताप यांनी दिली.

हेही वाचा: दहावीच्या परीक्षेचे तत्कालिक वेळापत्रक जाहीर, परीक्षा होणार लवकर

विविध वैद्यकीय अभ्यासक्रमांसाठी नोंदणी केलेले विद्यार्थी -

अभ्यासक्रम : २०२०-२१ मध्ये नोंदणी केलेले विद्यार्थी : २०२१-२२मध्ये नोंदणी केलेले विद्यार्थी (आतापर्यंत)

एमबीबीएस/बीडीएस/बीएएमएस/बीएचएमएस/बीयुएमएस/बीपीटीएच/बीओटीएच/ नर्सिंग आणि इतर : ६४,६४५ : ५५,७६२

एमडीएस : १,३५१ : १,०६७

या अभ्यासक्रमांच्या प्रवेश नोंदणीसाठी मुदतवाढ लागू :

- एमबीबीएस, बीडीएस, बीएएमएस, बीएचएमएस, बीयुएमएस, बीपीटीएच, बीओटीएच, बीएएसएलपी, बी (पी ॲण्ड ओ), बी.एस्सी (नर्सिंग)

वैद्यकीय अभ्यासक्रमांच्या प्रवेश नोंदणीचे सुधारित वेळापत्रक:

तपशील : कालावधी

- अभ्यासक्रमासाठी ऑनलाइन नोंदणीसाठी करणे : १० जानेवारी (सायंकाळी पाच वाजेपर्यंत)

- नोंदणी शुल्क भरणे (ऑनलाइन पद्धतीने) : ११ जानेवारी (सायंकाळी पाच वाजेपर्यंत)

- प्रवेशासाठी मूळ कागदपत्रांच्या स्कॅन कॉपी अपलोड करणे : ११ जानेवारी

- तात्पुरती गुणवत्ता यादी प्रसिद्ध करणे : १३ जानेवारी (सायंकाळी पाच वाजता)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :MedicalAdmissionExtension
loading image
go to top