सरकारी नोकरीची सुवर्णसंधी! पोस्टात 38 हजारहून अधिक जागांसाठी बंपर भरती, आजच करा अर्ज | India Post GDS Recruitment 2022 | Sakal
sakal

बोलून बातमी शोधा

India Post GDS Recruitment 2022

पोस्टात सरकारी नोकरी मिळवण्याची उत्तम संधी उपलब्ध झालीय.

सरकारी नोकरीची सुवर्णसंधी! पोस्टात 38 हजारहून अधिक जागांसाठी बंपर भरती

India Post GDS Recruitment 2022 : इयत्ता 10 वी नंतर सरकारी नोकरी मिळवण्याची उत्तम संधी उपलब्ध झालीय. भारतीय टपाल विभागानं (India Post GDS Recruitment 2022) देशभरातील विविध पोस्ट ऑफिसमध्ये ग्रामीण डाक सेवकांच्या पदांसाठी बंपर भरती जारी केलीय. इंडिया पोस्टनं जारी केलेल्या अधिसूचनेनुसार, देशभरात एकूण 38926 टपाल सेवकांची भरती केली जाणार आहे. दरम्यान, 10 वी उत्तीर्ण असलेले उमेदवार इंडिया पोस्टच्या अधिकृत वेबसाइटवर indiapostgdsonline.gov.in जाऊन आपला अर्ज करू शकतात.

भारतीय टपाल विभागानं जारी केलेल्या अधिसूचनेनुसार, या पदांसाठी अर्ज प्रक्रिया 2 मे 2022 पासून सुरू झालीय. यामध्ये अर्ज करण्यासाठी इच्छुक आणि पात्र उमेदवारांना 5 जूनपर्यंत मुदत देण्यात आलीय. या पदांसाठी अर्ज करण्यापूर्वी उमेदवारांना अधिकृत वेबसाइटवरील उपलब्ध अधिसूचना तपासण्याचा सल्ला देण्यात आलाय.

अर्ज कसा करावा?

  • ऑनलाइन अर्ज करण्यासाठी प्रथम अधिकृत वेबसाइटला indiapostgdsonline.gov.in भेट द्या.

  • वेबसाइटच्या होम पेजवरील India Post Gramin Dak Sevaks Recruitment 2022 या ऑप्शनवर जा.

  • यानंतर Online Gramin Dak Sevak Engagement वर क्लिक करा.

  • आता Validate your details हा पर्याय निवडा.

  • इथं मोबाईल नंबर आणि ईमेलच्या मदतीनं नोंदणी प्रक्रिया पूर्ण करा.

  • प्राप्त झालेल्या नोंदणी क्रमांकाच्या मदतीनं तुम्ही अर्ज भरू शकता.

हेही वाचा: Railway Recruitment 2022: कोकण रेल्वेत नोकरीची संधी; असा करा अर्ज

अधिकृत अधिसूचनेनुसार, या प्रक्रियेद्वारे भारत पोस्ट विभागामध्ये शाखा पोस्टमास्टर (BPM), असिस्टंट ब्रांच पोस्ट मास्टर (ABPM) आणि डाक सेवक यांच्या ३८,९२६ जागांसाठी रिक्त पदांची भरती केली जाईल. शाखा पोस्ट मास्टर पदांसाठी निवडलेल्या उमेदवारांना प्रति महिना १२ हजार रुपये वेतन दिलं जाईल. तर, इतर पदांसाठी उमेदवारांना दरमहा दहा हजार रुपयांपर्यंत पगार मिळेल.

हेही वाचा: भारतीय सैन्यात दहावी पास उमेदवारांसाठी नोकरीची संधी

भारतीय पोस्टमधील या पदांच्या भरतीसाठी उमेदवाराचं किमान वय १८ वर्षे आणि कमाल वय ४० वर्षे निश्चित करण्यात आलंय. तसेच सरकारी नियमांनुसार राखीव प्रवर्गातील उमेदवारांना उच्च वयोमर्यादेत सवलत दिली जाईल. याशिवाय, या पदांच्या भरतीसाठी उमेदवारानं मान्यताप्राप्त बोर्डाची इयत्ता १० वीची परीक्षा उत्तीर्ण केलेली असावी. दरम्यान, सर्व पात्र उमेदवार इंडिया पोस्ट GDS भारती २०२२ साठी अधिकृत वेबसाइट indiapostgdsonline.gov.in वर ५ जून २०२२ पर्यंत ऑनलाइन अर्ज करू शकतात. यासाठी उमेदवारांना १०० रुपये अर्ज शुल्क देखील भरावे लागणार आहे. अधिक माहितीसाठी तुम्ही अधिकृत वेबसाइटला भेट देऊ शकता.

Web Title: India Post Gds Recruitment 2022 Salary Upto Rs 12000 Class 10 Pass Out Candidates Can Apply For 38926 Posts

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Government Jobs
go to top