संरक्षण मंत्रालयSakal

संरक्षण मंत्रालयात सिव्हिलियन्स भरती! 10वी, 12वी उत्तीर्णांना संधी

संरक्षण मंत्रालयात सिव्हिलियन्सची भरती! 10वी, 12वी उत्तीर्णांना सुवर्णसंधी

Summary

संरक्षण मंत्रालयात सरकारी नोकऱ्या किंवा डिफेन्स सिव्हिलियनच्या भरतीसाठी तयारी करत असलेल्या उमेदवारांसाठी ही आनंदाची बातमी आहे.

संरक्षण मंत्रालयात (Defense Ministry) सरकारी नोकऱ्या (Government Jobs) किंवा डिफेन्स सिव्हिलियनच्या भरतीसाठी (Defense Civilian Recruitment) तयारी करत असलेल्या उमेदवारांसाठी ही आनंदाची बातमी आहे. बॉम्बे इंजिनिअर ग्रुप अँड सेंटर (Bombay Engineer Group and Center - BEGC), किरकी, पुणेद्वारे (Pune) संरक्षण मंत्रालयाने डिफेन्स सिव्हिलियन कर्मचाऱ्यांच्या भरतीसाठी जाहिरात प्रसिद्ध केली आहे. एम्प्लॉयमेंट न्यूज वीक 8-14 जानेवारी 2022 मध्ये केंद्राने जारी केलेल्या भरती जाहिरातीनुसार, मल्टी टास्किंग स्टाफ (MTS), सिव्हिलियन ट्रेड इंस्ट्रक्‍टर, स्टोअरकीपर ग्रेड 3, कुक, लस्कर व बार्बर यांच्या एकूण 65 रिक्त पदांची भरती करायची आहे. तथापि, यापैकी केवळ 44 रिक्त पदे अनारक्षित वर्गातील उमेदवारांसाठी आहेत. (Job opportunities in the Ministry of Defense for tenth and twelfth pass candidates)

भारत सरकारच्या करन्सी नोट प्रेसमध्ये 149 पदांची भरती! 'असे' करा अर्ज

असा करा अर्ज

इच्छुक असलेले उमेदवार एम्प्लॉयमेंट न्यूजमध्ये दिलेल्या बीईजीसी पुणे भरती 2022 च्या अधिसूचनेमध्ये प्रकाशित केलेल्या अर्जाद्वारे अर्ज करू शकतात. तथापि, उमेदवार https://drive.google.com/file/d/1BYdjluNCHb3X2MKE6FHeF3ewDUo2xBPK/view या थेट लिंकवरून भरती अधिसूचना तसेच अर्ज फॉर्म डाउनलोड करू शकतात. उमेदवारांनी हा अर्ज पूर्णपणे सबमिट करावा आणि आवश्‍यक कागदपत्रे जोडून 'द कमांडंट, बॉम्बे इंजिनिअर ग्रुप अँड सेंटर, किरकी, पुणे-411003' या पत्त्यावर पाठवू शकतात. उमेदवारांनी आपला अर्ज जाहिरात प्रसिद्ध झाल्यापासून 21 दिवसांच्या आत म्हणजेच 29 जानेवारी 2022 पर्यंत सबमिट करायचा आहे.

'या' नऊ क्षेत्रात 2 लाख लोकांना मिळाला रोजगार! एकूण संख्या 3.10 कोटी

जाणून घ्या पात्रता

स्टोअरकीपर ग्रेड 3 : बारावी उत्तीर्ण किंवा मान्यताप्राप्त मंडळाकडून समकक्ष पात्रता. वयोमर्यादा 18 ते 25 वर्षे.
मल्टी टास्किंग स्टाफ (एमटीएस) : मान्यताप्राप्त बोर्डाकडून दहावी पास किंवा समकक्ष पात्रता. वयोमर्यादा 18 ते 25 वर्षे.
नागरी व्यापार प्रशिक्षक : मान्यताप्राप्त मंडळाकडून दहावी उत्तीर्ण आणि संबंधित व्यापारात ITI किंवा NCVT. वयोमर्यादा 18 ते 25 वर्षे.
कुक : दहावी पास किंवा मान्यताप्राप्त बोर्डाकडून समकक्ष पात्रता. वयोमर्यादा 18 ते 25 वर्षे.
लस्कर : दहावी पास किंवा मान्यताप्राप्त बोर्डाकडून समकक्ष पात्रता. वयोमर्यादा 18 ते 25 वर्षे.
न्हावी : दहावी पास किंवा मान्यताप्राप्त मंडळाकडून समकक्ष पात्रता. वयोमर्यादा 18 ते 25 वर्षे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

viral