Rojgar Mela : प्रधानमंत्री नरेंद्र मोदी स्वतः वाटणार ७१ हजार लोकांना जॉइनिंग लेटर

Jobs Fair 2023 PM Modi : देशात लोकांना रोजगार मिळावा म्हणून सरकार वेगवेगळे प्रोग्राम चालवत असतात. सरकारने १० लाख लोकांना रोजगार देण्याचं लक्ष्य ठेवलं आहे. सरकारच्या या वचनाला निभवण्यासाठी मोदी स्वतः त्यात लक्ष घालत आहेत. या अंतर्गत मोदी आता ७१ हजार लोकांना जॉइनिंग लेटर देणार आहेत. मोदी आज व्हिडीओ काँफरंसिंगद्वारा हे जॉइनिंग लेटर देणार आहेत.

हा २०२३ चा पहिला रोजगार मेळा आहे. पीएमओ कडून या मेळ्याविषयी सांगण्यात आलं की, रोजगार निर्मितीला प्राधान्य देण्याच्या पंतप्रधान मोदींच्या उद्देशाला पुर्ण करण्याच्या दिशेने हे पहिले पाऊल आहे. आशा आहे की, हा मेळा रोजगार निर्मितीच्या दृष्टीने अनेकांसाठी प्रेरणादायी ठरेल. तरुणांना राष्ट्रिय विकासाच सहभागी होण्याची योग्य संधी मिळेल.

या मेळ्याद्वारे भरती होणाऱ्या तरुणांना भारत सरकार ज्युनियर इंजिनीअर, टेक्निशीयन, निरीक्षक, लोको पायलट, काँस्टेबल, उप निरीक्षक, स्टेनोग्राफर, ग्रामीण डाक सेवक, ज्युनियर अकाउंटंट, आयकर निरीक्षक, नर्स, शिक्षक, डॉक्टर, पीए, सामाजिक सुरक्षा अधिकारी, एमटीएस इत्यादी पदांवर भरती करण्यात येणार आहे.