Niti Ayog Recruitment: पुणे : जर तुम्ही नोकरी शोधत असाल तर निती आयोग तुमच्यासाठी एक मोठी संधी घेऊन आलं आहे. सरकारी नोकरी मिळवण्याची ही सुवर्णसंधी आहे. ज्यांना निती आयोगामध्ये भरती व्हायचं आहे, त्यांनी नक्कीच या संधीचा फायदा घ्यावा. यासाठी तुम्हाला ऑनलाइन अर्ज करावा लागणार आहे. पात्र आणि इच्छुक उमेदवार निती आयोगाच्या अधिकृत वेबसाईटवर जाऊन अर्ज करू शकतात.
यंग प्रोफेशनल्सकडून निती आयोगाला खूप अपेक्षा आहेत, त्यामुळे त्यांच्याकडून जास्तीत जास्त अर्ज मागविण्यात आले आहेत. यासाठी तुमच्याकडे फक्त इंजिनिअरिंगची पदवी किंवा पदविका (डिप्लोमा) असणे आवश्यक आहे. एकूण १० पदांसाठी ही भरती प्रक्रिया पार पडणार आहे. ही नोकरी दोन वर्षांच्या करार पद्धतीनुसार असेल. या भरतीसाठी अर्ज करण्याची अंतिम तारीख २४ जानेवारी २०२१ आहे. त्यापूर्वी तुम्हाला ऑनलाईन अर्ज करावा लागेल.
ज्या १० पदांवर यंग प्रोफेशनल्स भरती करावयाचे आहेत त्यासाठी उमेदवाराचे कमाल वय ३२ वर्षांपेक्षा जास्त नसावे. रिक्त पदांवर भरती लेखी परीक्षेद्वारे केली जाईल. लेखी परीक्षा उत्तीर्ण झाल्यानंतर उमेदवाराला मुलाखतीच्या आधारे अंतिम नियुक्ती पत्र दिले जाईल. निवड झालेल्या उमेदवारांना दरमहा ६० हजार रुपये पगार देण्यात येईल. रिक्त पदांसाठी अर्ज करणाऱ्या उमेदवाराला अर्जासाठी कोणतेही शुल्क द्यावे लागणार नाही. निवड झाल्यानंतर यशस्वी उमेदवारांना दिल्लीत नोकरी दिली जाईल.
- एज्युकेशन जॉब्ससंबंधी बातम्या वाचण्यासाठी येथे ► क्लिक करा
(Edited by: Ashish N. Kadam)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.