CUET UG निकाल 2022 : नॅशनल टेस्टिंग एजन्सी अर्थात NTA ने कॉमन युनिव्हर्सिटी एंट्रन्स टेस्ट CUET UG 2022 चा निकाल जाहीर केला आहे. निकाल गुरुवारी, 15 सप्टेंबर 2022 रोजी रात्री 10 वाजता जाहीर होणार होता, परंतु, हा निकाल रात्री जाहीर न होता आज सकाळी जाहीर करण्यात आला आहे. CUET UG चा निकाल तपासण्यासाठी उमेदवारांना त्यांचा अर्ज क्रमांक आणि पासवर्ड आवश्यक असणार असून, ही माहिती त्यांच्या प्रवेशपत्रावर उपलब्ध आहे.
यूजीसीचे अध्यक्ष एम जगदेश कुमार यांनीही 15 सप्टेंबर 2022 पर्यंत निकाल जाहीर होणार असल्याची माहिती दिली होती. या वर्षी CUET UG परीक्षेत बसलेले सर्व उमेदवार cuet.samarth.ac.in या अधिकृत वेबसाइटला भेट देऊन त्यांचा निकाल तपासू आणि डाउनलोड करू शकणार आहेत.
कधी झाली होती CUET UG परीक्षा?
NTA ने CUET परीक्षा 15 जुलै ते 30 ऑगस्ट 2022 या कालावधीत घेण्यात आली होती. ही परीक्षा देशभरातील 259 शहरांमध्ये आणि परदेशातील नऊ शहरांमध्ये स्थापन केलेल्या 489 परीक्षा केंद्रांवर घेण्यात आली होती. एकूण 06 टप्प्यात ही परीक्षा घेण्यात आली होती. त्यासाठी यावर्षी CUET UG च्या पहिल्या फेरीसाठी सुमारे 14.9 लाख उमेदवारांनी नोंदणी केली होती. NTA नुसार, पहिल्या स्लॉटमध्ये 8,10,000 उमेदवारांनी परिक्षेला हजेरी लावली होती. तर, दुसऱ्या स्लॉटमध्ये 6,80,000 उमेदवार होते.
असा चेक करा निकाल
सर्वप्रथम उमेदवारांनी cuet.samarth.ac.in या अधिकृत वेबसाइटला भेट द्यावी.
त्यानंतर निकालासाठी CUET UG 2022 या लिंकवर क्लिक करा.
तुमचा नोंदणी क्रमांक, जन्मतारीख आणि सुरक्षा पिन प्रविष्ट करा.
वरील आवश्यक सर्व माहिती प्रविष्ट केल्यानंतर स्क्रिनवर तुम्हाला तुमचा निकाल दिसेल.
तो डाउनलोड करून त्याची प्रिंट घ्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
