वाटा करिअरच्या..: तयारी परदेशी शिक्षणासाठी...

आपले भविष्य तंत्रज्ञानावरच अवलंबून असेल, याबद्दल कोणतीही शंका नाही. प्रत्येकच क्षेत्रात कॉम्प्युटर सायन्सचा झालेला प्रवेश पाहता, नव्या बदलांना सामोरे जाण्यासाठी योग्य शिक्षण निवडण्याला पर्याय नाही. संशोधन आणि विकास देशाच्या भरभराटीचे दोन स्तंभ आहेत. मात्र, या सगळ्यासाठी मोठ्या प्रमाणात निधीची गरज लागते व ते उपलब्ध होणे सर्वाधिक महत्त्वाचे आहे. या परिस्थितीत कष्ट घेणाऱ्या आणि पुढे जाण्याची तीव्र इच्छा असणाऱ्या हुशार मुलांसाठी परदेशात शिक्षण घेण्याशिवाय दुसरा पर्याय शिल्लक राहत नाही. 

देशभरातील इतर बातम्या वाचण्यासाठी येथे क्लिक करा

पदवी अभ्यासक्रमातून पाया पक्का झाल्यानंतर विद्यार्थी उच्चशिक्षण घेण्यासाठी तयार होतो. तुमचे ध्येय तुमच्या मनात पक्के असल्यास हे साध्य करता येते. आपली महत्त्वाकांक्षा आणि क्षमता यांचा विचार करून विद्यार्थी पुढील शिक्षणासाठीचे विद्यापीठ निवडतात. अभ्यासक्रम अधिकाधिक गुंतागुंतीचे आणि व्यावसायिक होत असल्याने त्यासाठी आवश्यक सुविधा व फॅकल्टीला (शिक्षक) मोठे महत्त्व प्राप्त होते. उदाहरणार्थ, एखाद्या विद्यार्थ्याला नॅनोटेक्नॉलॉजीमधील उच्चशिक्षण घ्यायचे असल्यास त्याला अतिशय अद्ययावत लॅबोरेटरी सुविधा व त्याचबरोबर या क्षेत्रातील सखोल ज्ञान असलेल्या  विख्यात शिक्षकांची गरज अनिवार्य ठरते. या परिस्थितीत सुयोग्य विद्यापीठाची निवड करताना अनेक घटकांचा विचार करावा लागतो, तसेच अनेक नव्या गोष्टींची माहितीही करून घ्यावी लागत असल्याने हे काम अधिक कठीण बनते. 

जगभरातील इतर बातम्या वाचण्यासाठी येथे क्लिक करा

त्यामुळे परदेशातील शिक्षण हा आता केवळ स्वप्न न राहता वस्तुस्थिती बनली असले, तरी त्यासाठी भरपूर चर्चा व विचारविनिमयाची गरज पडते. त्यातील महत्त्वाच्या पायऱ्या आहेत

  भविष्यासाठीचे तुमचे ध्येय निश्चित हवे.
  सर्व आवश्यक कागदपत्रे तयार ठेवणे.
 उच्च शिक्षणासाठीच्या सुयोग्य ठिकाणाची 
निवड करणे.
 त्यासाठी लागणाऱ्या आवश्यक पैशांची 
तरतूद करणे.
 उच्च शिक्षणानंतर चांगली नोकरी मिळविणे.

(लेखक परदेशी शिक्षण क्षेत्रातील तज्ज्ञ आहेत.)