PGCIL Recruitment 2021 : पॉवर ग्रीड कॉर्पोरेशनच्या अनेक पदांवर मोठी भरती; नोकरीसाठी असा करा अर्ज..

सातारा : PGCIL Recruitment 2021 : पॉवर ग्रीड कॉर्पोरेशन ऑफ इंडिया लिमिटेडने (PGCIL) कार्यकारी प्रशिक्षणार्थींसाठी 40 पदांची भरती जारी केली आहे. अभियांत्रिकी पदवीनंतर गेट (GATE ) परीक्षा 2021 मध्ये प्राप्त केलेल्या गुणांच्या आधारे या पदांच्या उमेदवारांची निवड केली जाईल. ज्या उमेदवारांनी यावेळी गेटची परीक्षा दिली आहे, ते या पदांवर अर्ज करू शकतात. दरम्यान, 15 एप्रिलपर्यंत ऑनलाईन अर्ज स्वीकारले जाणार असल्याचे PGCIL ने स्पष्ट केले आहे.

'या' पदांसाठी होणार भरती

अधिसूचनेनुसार कार्यकारी प्रशिक्षणार्थी इलेक्ट्रिकलची 20, कार्यकारी प्रशिक्षणार्थी इलेक्ट्रॉनिक्सची 10 आणि कार्यकारी प्रशिक्षणार्थी सिव्हिलच्या 10 पदांसाठी भरती करण्यात येणार आहे. अर्ज करणारे उमेदवार कोणत्याही मान्यताप्राप्त संस्थेकडील बीई, बीटेक संबंधित व्यापारात पदवी असणे आवश्यक आहे.

दिल्ली विद्यापीठाच्या या अभ्यासक्रमांना आहे सर्वाधिक पसंती ! जाणून घ्या या वर्षीच्या प्रवेश प्रक्रियेबाबत

वय मर्यादा आणि अर्ज फी

या पदांसाठी अर्ज केलेल्या उमेदवारांचे वय 28 वर्षे असावे. वयोमर्यादा 31 डिसेंबर 2020 पर्यंत मोजली जाईल. तसेच अर्ज शुल्कासाठी सर्वसाधारण प्रवर्गाच्या उमेदवारांना 500 रुपये द्यावे लागतील. त्याचबरोबर एससी, एसटी आणि दिव्यांग उमेदवारांचे अर्ज विनामूल्य असणार आहेत. अर्ज फी ऑनलाइन माध्यमातून जमा केली जाऊ शकते.

NCC सी सर्टिफिकेट परीक्षा नियोजित वेळापत्रकानुसार होणार

असा करा अर्ज..

या पदांसाठी अर्ज करण्यासाठी तुम्हाला पॉवर ग्रीड कॉर्पोरेशन ऑफ इंडिया https://www.powergridindia.com च्या अधिकृत वेबसाइटवर भेट द्यावी लागेल. येथे आपल्याला अर्ज भरण्याचा एक पर्याय दिसेल. वेबसाइटवर, आपल्याला अर्ज भरण्याविषयी संपूर्ण माहिती मिळेल.