UPSC 2021: पूर्वपरीक्षेसंदर्भात आली महत्त्वाची अपडेट

UPSC Prelims 2021: पुणे : केंद्रीय लोकसेवा आयोग (UPSC) ने या वर्षी घेण्यात येणाऱ्या पूर्व परीक्षेसंदर्भात महत्त्वाची माहिती प्रसिद्ध केली आहे. येत्या १० फेब्रुवारीपासून इच्छुक उमेदवार यूपीएससी पूर्व परीक्षेसाठी अर्ज करू शकतात. हे अर्ज ऑनलाइन पद्धतीने भरावे लागणार असून त्यासाठी तुम्हाला यूपीएससीच्या अधिकृत वेबसाईटवर जावं लागेल. अर्ज करण्याची अंतिम तारीख २ मार्च आहे. 

- इंजिनिअर्स तरुण-तरुणींनींना SBIमध्ये नोकरीची संधी; कोणतीही लेखी परीक्षा नाही​

असा करा अर्ज -
- सर्वप्रथम यूपीएससीच्या अधिकृत वेबसाईटला भेट द्या.
- त्यानंतर नागरी सेवा परीक्षा २०२१ वर क्लिक करा. 
- त्यानंतर भाग १ म्हणजे नोंदणीसाठीचे रकाने भरा आणि फॉर्म भरल्यानंतर शेवटी फी भरा.
- शेवटी परीक्षा केंद्र आणि तुमचे छायाचित्र (आय-कार्ड साइज फोटो) अपलोड करा. 

- AAI Recruitment 2021: विविध ३६८ पदांसाठी भरती; अर्ज करण्याची मुदत वाढवली​

आवश्यक पात्रता -
या परीक्षेसाठी अर्ज करणाऱ्या उमेदवारांकडे कोणत्याही मान्यताप्राप्त विद्यापीठातून किंवा शैक्षणिक संस्थेतून पदवी परीक्षा उत्तीर्ण असणे आवश्यक आहे. 

कधी होणार पूर्व परीक्षा -
यूपीएससीची पूर्व परीक्षा २७ जून २०२१ रोजी घेण्यात येणार असल्याचे आयोगाने स्पष्ट केलं आहे.

- एज्युकेशन जॉब्ससंबंधी बातम्या वाचण्यासाठी येथे ► क्लिक करा

(Edited by: Ashish N. Kadam)