UPSC नागरी सेवा मोफत कोचिंगसाठी यंदा आले कमी अर्ज! वेळापत्रकात बदल

UPSC नागरी सेवा मोफत कोचिंगसाठी यंदा आले कमी अर्ज! वेळापत्रकात बदल
UPSC
UPSCsakal
Summary

प्रवेशासाठी सहा लाखांपेक्षा कमी वार्षिक उत्पन्न असलेल्या कुटुंबातील एसटी, एससी- ओबीसी पदवीधर उमेदवार प्रवेश परीक्षेला बसू शकतात.

सोलापूर : UPSC नागरी सेवा परीक्षा आणि UPPSC PCS च्या मोफत कोचिंगच्या प्रवेश परीक्षेत सहभागी होण्यासाठी SC, ST आणि OBC इच्छुक उमेदवार 8 नोव्हेंबरपर्यंत अर्ज करू शकतात. मोफत कोचिंगसाठी फार कमी अर्ज आल्याने समाजकल्याण विभागाने कोचिंग सत्र आयोजित करण्याच्या वेळापत्रकात बदल केला आहे. बदललेल्या वेळापत्रकानुसार, मोफत कोचिंगसाठी संयुक्त प्रवेश परीक्षा 20 नोव्हेंबर रोजी होणार आहे. 29 नोव्हेंबरपासून कोचिंग सत्र सुरू होण्याची शक्‍यता आहे. मोफत कोचिंग हे निवासी असून, येथे भोजन, वसतिगृह, वाचनालय आदी सुविधा असतील. हे केवळ एससी, एसटी आणि ओबीसी विद्यार्थ्यांसाठी आहे.

UPSC
पोलिस भरतीसाठी प्रथम मैदानी चाचणी! डिसेंबरनंतर 13 हजार पदांची भरती

प्रवेशासाठी सहा लाखांपेक्षा कमी वार्षिक उत्पन्न असलेल्या कुटुंबातील एसटी, एससी- ओबीसी पदवीधर उमेदवार प्रवेश परीक्षेला बसू शकतात. जे पात्रता पूर्ण करतात ते www.socialwelfareup.upsdc.gov.in वर अर्ज करू शकतात. प्रवेश परीक्षेतील गुणवत्तेच्या आधारे कोचिंगसाठी प्रवेश दिला जाईल.

असा करा ऑनलाइन अर्ज

  • शेवटची तारीख : 8 नोव्हेंबर

  • प्रवेशपत्र डाउनलोड : 15 नोव्हेंबर

  • प्रवेश परीक्षेचा निकाल : 27 नोव्हेंबर

  • कोचिंग सुरू होईल : 30 नोव्हेंबर

UPSC
38 हजार विद्यार्थी नॉट रिचेबल! लसीकरणाचे गूगल फॉर्म भरलेच नाहीत

लखनऊ व्यतिरिक्त प्रयागराज, वाराणसी, अलीगढ, आग्रा आदी ठिकाणी IAS आणि PCS कोचिंग चालवले जाते. समाजकल्याण अधिकारी सांगतात, की लखनऊमध्ये मोफत निवासी कोचिंगसाठी 400 जागा आहेत. यामध्ये 150 महिला आणि 250 पुरुषांना सामावून घेतले जाणार आहे. माहितीनुसार, पुरुषांसाठी कोचिंग भागीदारी भवनमध्ये चालते आणि महिलांसाठी कोचिंग अलिगंज येथील आदर्श पूर्व प्रशिक्षण केंद्रात चालते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com