मुंबई महापालिका निवडणूक एप्रिलमध्ये ? | BMC Election Update | Sakal
sakal

बोलून बातमी शोधा

BMC
मुंबई महापालिका निवडणूक एप्रिलमध्ये ?

मुंबई महापालिका निवडणूक एप्रिलमध्ये ?

मुंबई : मुंबई महानगर पालिकेच्या (BMC Election) आगामी निवडणुका एप्रिल महिन्यात होण्याची शक्‍यता आहे. तर, महानगरपालिकेची मुदत 8 मार्च रोजी संपणार आहे. त्यामुळे या कालावधीत महानगरपालिकेचा संपूर्ण कारभार आयुक्तांच्या (bmc commissioner) हातात जाण्याची शक्‍यता आहे. मुंबईतील प्रभागारांच्या सुधारीत रचनेचा मसुदा उद्या 1 फेब्रुवारी रोजी जाहीर होणार आहे. त्यानंतर सूचना व हकरती मागवून ही प्रक्रिया 2 मार्चपर्यंत चालणार आहे.

हेही वाचा: "मुंबईतील रखडलेले प्रकल्प आधी मार्गी लावा"

यानंतर पुन्हा प्रभागांचे आरक्षण निश्‍चित करुन त्यावर सूचना व हकरती मागवाव्या लागणार आहेत. या प्रक्रियेत मार्च महिन्याचा पहिला पंधरावडा संपण्याची शक्‍यता आहे.तर,दुसऱ्या बाजूला महानगरपालिकेची मुदत 8 मार्च रोजी संपणार आहे. मात्र, त्यापूर्वी महानगरपालिकेची निवडणूक होण्याची शक्‍यता नाहीच. निवडणुकीच्या तारखेच्या 45 दिवस आचारसंहिता जाहीर करावी लागणार असल्याने निवडणूक एप्रिल महिन्यात किंवा मे महिन्यात होण्याची शक्‍यता आहे. त्यामुळे पालिकेची मुदत संपल्यावर नगरसेवक बरखास्त होऊन कारभार महानगर पालिका प्रशासनाच्या हाती जाण्याची शक्‍यता आहे.

हेही वाचा: विरार : पाणीपट्टी वसुलीसाठी पालिकेने कंबर कसली; थकबाकीदारांवर कारवाईचे आदेश

यापूर्वी 1992 ला महानगर पालिकेला दोन वर्षांची मुदत दिली होती.मात्र,आता केंद्र सरकार पासून राज्याच्या विविध कायद्यात बदल झाल्याने महानगर पालिकेला मुदतवाढीची शक्‍यता कमीच असल्याचे मानले जात आहे.तसे,संकेतही पालिका प्रशासनाकडून मिळत आहे.

अंतिम निर्णय राज्य सरकारचा

मुंबईला विशेष बाब म्हणून अंतिम निर्णय राज्य सरकारकडून घेतला जाऊ शकतो.राज्यात आणि महानगर पालिकेत शिवसेनेची सत्ता आहे.त्यामुळे नगरसेवकांना मुदतवाढ देण्याचा विचार केला जाऊ शकतो.मात्र,प्रशासनाच्या हाती कारभार झाल्यावर त्यावर थेट अंकुश राज्य सरकारचा राहाणार आहे.मुंबई शेजारील नवी मुंबई आणि वसई विरार महानगर पालिकेत सध्या प्रशासक आहे. मात्र,या दोन्ही महानगर पालिकेत शिवसेनेचे फारसे अस्तीत्व नाही.त्यामुळे मुंबई महानगर पालिके बाबत राज्य सरकार याबाबत काय निर्णय घेणार याकडे सर्वांचे लक्ष लागले आहे.

Web Title: Bmc Election Possibilities In April Month As Expiry Date Is On Eight March Mumbai Political Update

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai Newsbmc election
go to top