Assembly Election Result Updates : विविध ठिकाणी वेगवेगळे आकडे पाहून गोंधळ उडतोय? असे पाहा निवडणूक निकालांचे अचूक अपडेट्स

Assembly Election Result Updates : पुढील वर्षी होणाऱ्या लोकसभा निवडणुकांची सेमी फायनल समजल्या जाणाऱ्या चार राज्यांच्या विधानसभा निवडणुकांचा निकाल आज लागणार आहे. यासाठी सकाळपासूनच मतमोजणी सुरू झाली असून, प्राथमिक कल देखील येण्यास सुरुवात झाली आहे.

मात्र, टीव्हीवर सगळीकडे वेगवेगळे आकडे दिसत असल्यामुळे तुमचा गोंधळ उडण्याची शक्यता देखील आहे. त्यामुळेच, निवडणुकांचे अगदी योग्य निकाल पाहण्यासाठी एक सोपी पद्धत आम्ही तुम्हाला सांगणार आहोत.

मध्य प्रदेश, राजस्थान, तेलंगणा आणि छत्तीसगड या चार राज्यांमधील निवडणुकांचे निकाल आज समोर येणार आहेत. मिझोरम राज्यातील मतमोजणी ही सोमवारी पार पडणार आहे. आज होणाऱ्या मतमोजणीमधून अचूक निकालाचे अपडेट्स पाहण्यासाठी सर्वात विश्वासार्ह स्त्रोत हा निवडणुक आयोगाची वेबसाईट आहे. याठिकाणी निकाल पाहण्याची प्रक्रिया देखील अगदी सोपी आहे.

या ठिकाणी पाहा निकाल

तुम्ही इलेक्शन कमिशनच्या अधिकृत वेबसाईटवर निकालाचे अपडेट्स पाहू शकता. यासाठी या लिंकवर क्लिक करा.

तुम्हाला जर मोबाईलवर निकालाचे अपडेट्स पहायचे असतील, तर त्यासाठी व्होटर हेल्पलाईन अ‍ॅपची मदत देखील घऊ शकता. हे अ‍ॅप गुगलच्या प्ले स्टोअर आणि अ‍ॅपलच्या अ‍ॅप स्टोअरवर उपलब्ध आहे.