Telangana Election : वायएसआर शर्मिलांचा काँग्रेसला बिनशर्त पाठिंबा; तेलंगणामधून निवडणूक न लढवण्याचा निर्णय

Telangana Election : वायएसआर शर्मिलांचा काँग्रेसला बिनशर्त पाठिंबा; तेलंगणामधून निवडणूक न लढवण्याचा निर्णय

नवी दिल्ली : आंध्रप्रदेशचे दिवंगत माजी मुख्यमंत्री वायएसआर रेड्डी यांच्या कन्या वायएसआर शर्मिला यांनी तेलंगणामध्ये निवडणूक न लढविण्याचा निर्णय घेतला असून त्यांनी काँग्रेसला बिनशर्त पाठिंबा जाहीर केला आहे.

गेल्या काही महिन्यांपासून वायएसआर शर्मिला काँग्रेसमध्ये येणार असल्याचे वृत्त होते. परंतु तेलंगणाच्या स्थानिक नेत्यांनी शर्मिला यांच्या काँग्रेस प्रवेशाला विरोध केल्याने त्यांचा प्रवेश होऊ शकला नाही. त्यांनी सोनिया गांधी व राहुल गांधी यांची दिल्लीत भेट घेतल्यानंतरही स्थानिक नेत्यांच्या विरोधामुळे शर्मिला यांचा काँग्रेस प्रवेश टळला.

तेलंगणाच्या निर्मितीला वायएसआर काँग्रेसच्या नेत्यांचा विरोध होता. वायएसआर शर्मिला यांना प्रवेश दिल्यास तेलंगणाचा मतदार नाराज होण्याची शक्यता आहे. यामुळे तूर्तास त्यांना प्रवेश देऊ नये, निवडणुकीनंतर प्रवेशावर विचार करावा, असा प्रस्ताव स्थानिक नेत्यांनी पक्षश्रेष्ठींसमोर ठेवला होता. या प्रस्तावाला पक्षश्रेष्ठींनी तसेच शर्मिला यांनी स्वीकारल्याचे आता स्पष्ट झाले आहे.

Telangana Election : वायएसआर शर्मिलांचा काँग्रेसला बिनशर्त पाठिंबा; तेलंगणामधून निवडणूक न लढवण्याचा निर्णय
"मानसिक त्रास द्यायची, 1.15 कोटी मागितले", वाचा बॅन्ड बाजा घटस्फोट मधील नवऱ्याची दुसरी बाजू

...तर जनता माफ करणार नाही- शर्मिला

वायएसआर शर्मिला यांनी निवडणुकीच्या रिंगणात न उतरता काँग्रेसच्या सर्व उमेदवारांना पाठिंबा देण्याचे जाहीर केले. तेलंगणात जनतेला बदल हवा आहे. आपण निवडणूक लढविल्यास काँग्रेसच्या मतदारांमध्ये फूट पडण्याची शक्यता आहे. या फुटीमुळे काँग्रेसला पराभव पत्करावा लागल्यास इतिहास आपल्याला माफ करणार नाही, असे म्हणत शर्मिला यांनी काँग्रेसच्या पाठिंब्याचे समर्थन केले आहे. विधानसभा निवडणुका संपल्यानंतर वायएसआर शर्मिला यांचा काँग्रेस प्रवेश होणार असून त्यांना लोकसभेच्या रिंगणात उतरविण्यात येईल, असे बोलले जात आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com