Ashadhi Ekadashi Special Recipe: आषाढी एकादशीनिमित्त बनवा उपवासाचे क्रिस्पी फ्रेंच फ्राइज , जाणून घ्या बनवण्याची पद्धत

Crispy Fasting French Fries: एकादशी म्हटले की सर्वजण उपवास करतात. भारतात आषाढी एकादशीला अत्यंत महत्व आहे. एकादशीला लाखो लोक उपवास करतात. काही माऊली निर्कार उपवास करतात तर काही भजन आणि मंत्राचा जप करतात.

अनेक लोक उपवासात साबुदाण्याची खिचडी, भगर, वडे असे पदार्थ करतात. तुम्ही उपवासाचे हेच पदार्थ खाऊन बोर झाले असाल आणि यंदा काही तरी नविन पदार्थ ट्राय करायचे असेल तर साबुदाणा आणि बटाट्यापासून क्रिस्पी फ्रेंच फ्राइज बनवू शकता. हा पदार्थ बनवायला सोपा असून चवदार देखील आहे. चला तर मग जाणून घेऊया हा पदार्थ बनवायची कृती कोणती आहे.

उपवासाचे क्रिस्पी फ्रेंच फ्राइज

साबुदाणा

उकडलेले बटाटे

शेंगदाण्याचा कुट

आलं-जिरं आणि मिरची पेस्ट

साखर

मीठ

उपवासाचे क्रिस्पी फ्रेंच फ्राइज बनवण्याची कृती

उपवासाचे क्रिस्पी फ्रेंच फ्राइज बनवण्यासाठी सर्वात आधी साबुदाणा मिक्सरमध्ये बारिक करावा. नंतर एका प्लेटमध्ये काढून त्यात किसलेला बटाटा, तिखट, मीठ, आलं-जिरं आणि मिरची पेस्ट, शेंगदाण्याचा कुट घालून चांगले मिक्स करवे. नंतर त्याची गोल पोळी लाटून फ्रेंच फ्राइजप्रमाणे उभे तुकडे करावे आणि गरम तेलात तळून घ्यावे. साबुदाणा आणि बटाट्याचे क्रिप्सी फ्रेंच फ्राइज तयार आहेत.