Chutney Recipe for Winter : थंडीत लाभदायक अशी कोथिंबीर आणि शेंगदाण्याची स्पेशल चटणी

Chutney Recipe for Winter : थंडीत आई एक गोष्ट खाण्यापासून अजिबात आवडत नाही आणि ती म्हणजे, शेंगदाणे आणि गूळ. कारण दोघंही शरीरासाठी खूप चांगले असतात. आपल्या घरातही अनेक पदार्थांमध्ये दाण्याचा वापर होत असतो. खास करून पोह्यांमध्ये तर शेंगदाणे सगळ्यांना खूप आवडतात.

शेंगदाणे आणि कोथिंबीरीची चटणी सुद्धा खूप सुंदर लागते आणि ही आपल्या आरोग्यासाठी खूप लाभदायक सुद्धा असते. कोणत्याही पदार्थाची चव अजून छान करण्यासाठी आपण कोथिंबीरीचा वापर करतो. अशात बघूया कोथिंबीर आणि शेंगदाण्याची ही स्पेशल चटणीची रेसिपी.

साहित्य:

1/2 कप शेंगदाणे

1/2 कप कोथिंबीर

2-3 लाल मिरच्या

1 चमचा जिरं

2-3 चमचे तेल

3-4 लसणाच्या पाकळ्या

1 चमचा लिंबाचा रस

चवीनुसार मीठ

कृती:

कोथिंबीर निवडून ती स्वच्छ धुवून घ्या.

शेंगदाण्याची चटणी बनवण्यासाठी 2-3 चमचे तेलात शेंगदाणे चांगले परतवून घ्या. 2-3 मिनिटांनी गॅस बंद करून शेंगदाणे बाजूला काढून घ्या.

आता त्या तेलात लसूण थोडा तळून घ्या.

एका मिक्सरच्या भांड्यात ते शेंगदाणे, कोथिंबीर, लसूण जिरं, लाल मिरच्या सगळं काही बारीक करून घ्या.

आता हे एका बाउलमध्ये काढून घ्या. त्यात लिंबाचा रस टाका, चवीनुसार मीठ घाला.

आपल्या हवं तसं पाणी घालून छान मिक्स करा.

या पदार्थांसोबत सर्व्ह करा चटणी

वरण भात भाजी पोळीच्या ताटात तोंडी लावायला तुम्ही ही चटणी सर्व्ह करू शकतात.

संध्याकाळी भजे किंवा चाट बनवलं तर त्यासोबतही ही चटणी छान लागेल.

अगदी घरात भाजी नसेल तरीही तुम्ही चटणी पोळी खाऊ शकतात.

पराठ्यांसोबतही ही चटणी खूप छान लागेल.