पावसाळ्याचा आनंद लुटा! कांद्याची पात घातलेलं असं वांग्याचं भरीत ट्राय करा | Food Recipe | Sakal
sakal

बोलून बातमी शोधा

 Vangyacha Bharta

पावसाळ्याचा आनंद लुटा! कांद्याची पात घातलेलं असं वांग्याचं भरीत ट्राय करा

पावसाळा सुरू झाला की मेंथी, शेपू ,पालक अशा पालेभाज्यांची चव निघून जाते. मग अशावेळी तुम्ही कांद्याची पात घालून वांग्याचं भरीत करू शकता. उन्हाळ्यात काही शेतकऱ्यांनी कांदा लावलेला असतो. त्यामुळे बाजारात कांद्याची पात सहज उपलब्ध होते. (how to make vangyacha bharta check recipe)

हेही वाचा: पावसाळ्यात गरमागरम खाण्याची इच्छा होतंय? ट्राय करा टेस्टी कोथिंबीर वडी

वांग्याचं भरीत करण्यासाठी लागणारे साहित्य -

१) एक भरताचं वांगं (गॅसवर भाजून गर काढून )

२) दोन मध्यम बारीक चिरलेले कांदे

३) एक वाटी कोवळी कांदापात बारीक चिरलेली

४) ५ ते ६ लसणाच्या पाकळ्या

५) ३ ते ४ हिरव्या मिरच्या खरडा

६) मुठभर भाजलेले शेंगदाणे

७) तेल, मीठ, जिरं चवीनुसार

हेही वाचा: वजन झटपट कमी करायचं? आहारात खेकड्याचा समावेश करा

वांग्याचं भरीत कसे करावे?

  • भरीताचं वागं स्वच्छ पाण्याने धुवून घ्यावे. नंतर त्याला चाकूने उभे काप मारुन आतून वांगं खराब तर नाही ना याची खात्री करुन घ्यावी. आणि नंतर मग ते थोडंसं तेल लावून गॅसवर भाजायला ठेवावे. वांग खरपूस भाजलं की त्यावरचे आवरण काढून टाकून छानपैकी आतील गर काढून घ्यावा.

  • नंतर कढईत तेल गरम करायला ठेवावं. तेल कडकडीत तापलं की जिरे टाकवे. जिरे तडतडले की त्यात बारीक चिरलेला कांदा घालावा. कांदा खरपूस कलसला की त्यात बारीक कुटलेला लसून आणि मिरचीचा खरडा घालून त्याला चांगल कलसू दयावे.

  • नंतर मग त्यात भाजलेले शेंगदाणे, मीठ आणि कांद्याची पात टाकावी. हे मिश्रण जरासं परतून घेऊन मग त्यात वांग्याचा गर घालून ८ ते १० मिनिटं बारीक गॅसवर चांगलं खरपूस शिजू द्यावं आणि नंतर गॅस बंद करावा. तुम्हाला आवडत असेल तर बारीक चिरलेला थोडा कोथिंबीर तुम्ही या भरीतात घालु शकता.

  • अशारितीने कांद्याची पात घालून तयार केलेलं वांग्याचं भरीत तुम्ही ज्वारीच्या भाकरीसोबत किंवा पोळी सोबत खाऊ शकतो.

Web Title: How To Make Vangyacha Bharta Check Recipe Here

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top