रेसिपी : कांद्याच्या पातीचे ठेपले

साहित्य : ‌२ वाटी गव्हाचे पीठ, २ चमचे चण्याचे पीठ (बेसन), १ लहान वाटी बारीक चिरलेली कांद्याची पात, पाव लहान वाटी बारीक चिरलेली कोथिंबीर, ४ हिरव्या मिरच्या, अर्धा इंच आले, ५ ते ६ लसूण पाकळ्या यांची एकत्रित पेस्ट, चवीनुसार मीठ, १ चमचा हळद, १ चमचा हिंग, २ चमचे पांढरे तीळ, १ चमचा ओवा, २ चमचे गरम तेलाचे मोहन, कोमट पाणी, १ चमचा धणे पावडर, २ चमचे चाट मसाला, साजूक तूप / तेल किंवा अमूल बटर.

कृती : वरील सर्व जिन्नस एकत्र करून मध्यमसर घट्ट पीठ मळून १५ ते २० मिनिटे मुरत ठेवावे.

नंतर मध्यम आकाराचे ठेपले लाटून मंद आचेवर आवडीनुसार साजूक तूप/ तेल अथवा अमूल बटर कडेने सोडून मध्यम बदामी रंगावर भाजावे.

हे ठेपले टोमॅटो सॉस/ लोणी/ दही अथवा कोणत्याही चटणीबरोबर अतिशय रुचकर लागतात.