Chia-Mango Smoothie: सकाळच्या नाश्त्यासाठी फक्त ५ मिनिटांत तयार करा पौष्टिक आणि थंडगार 'चिया मँगो स्मूदी'

Refreshing And Healthy Chia Mango Smoothie Recipe: उन्हाळाच्या दिवसात जास्त भूक लागत नाही. पण दिवसभर काम करण्यासाठी लागणारी ऊर्जा टिकून राहावी म्हणून सकाळचा नाश्ता फार महत्त्वाचा असतो. अशातच काहीतरी हलकं-फुलकं पण पोटभरीचं असलं की नाश्ताही होतो आणि शरीराला आवश्यक ऊर्जाही मिळते. त्यासाठीच आम्ही पुढे चविष्ट आणि पौष्टिक चिया मँगो स्मूदीची रेसिपी दिली आहे ती लगेच लिहून घ्या.

साहित्य

१ पिकलेला आंबा (साल काढून चिरलेला)

१ कप दूध (अथवा बदाम दूध / नारळाचे दूध)

१ मोठा चमचा चिया बिया

१ चमचा मध (ऐच्छिक)

४–५ बर्फाचे तुकडे

कृती

- आधी चिया बिया अर्धा तास थोड्या दुधात भिजत ठेवा, जेणेकरून त्या फुगतील.

- मिक्सरमध्ये चिरलेला आंबा, उरलेले दूध, मध आणि बर्फ टाका.

- सर्व साहित्य गुळगुळीत होईपर्यंत मिक्स करा.

- त्यात फुगलेल्या चिया बिया मिसळा आणि हलक्या हाताने ढवळा.

- थंडगार स्मूदी ग्लासमध्ये सर्व्ह करा. वरून थोड्या चिया बिया किंवा मँगो तुकडे घालून सजवा.

टीप

- अधिक प्रोटिनसाठी या स्मूदीमध्ये बदाम, अक्रोड किंवा प्रोटीन पावडरही घालू शकता.

- साखर नको असल्यास गोडसर पिकलेला आंबा निवडा.