उसाचा रस प्या, उन्हाळा सुसह्य करा!

उन्हाळा सुरू झाल्यावर अनेकांना उष्णतेचा खूप त्रास होतो. शरीराला सारखी पाण्याची गरज असते. त्यामुळे शरीराला (Body) शांत ठेवण्यासाठी या काळात विविध पेयं (Dinks) प्यायली जातात. तुम्हाला उन्हाळ्यात (Summer) डिहायड्रेशन होण्याची भीती वाटत असेल तर उसाचा रस नक्की प्या. कारण तो प्यायल्याने असा त्रास होत नाही. शिवाय यात ग्लुकोजचे प्रमाण अधिक असल्याने एनर्जी मिळते. त्यामुळे शरीरासाठी उसाचा रस गुणकारी ठरतो. तो प्यायल्याने अनेक फायदे होतात.

उसाचा रस प्यायल्याने मिळणारे फायदे

- उन्हाळ्यात हिट वाढल्याने अनेकजण तात्पुरती तहान भागण्यासाठी आईस्क्रीम खातात. पण आईस्क्रीम सतत खाल्ल्याने त्रास होऊ शकतो. अशावेळी उसाचा रस पिणे चांगले. कारण त्यामुळे तुमची तहान तर भागतेच. शिवाय काम करण्यासाठी उत्साह संचारतो.

- उसाच्या रसामुळे शरीरातील पाण्याची कमतरता दूर होते. या काळात जाणवणाऱ्या थकव्याचा त्रास कमी होतो.

- उन्हाळ्यात अशक्तपणा येण्याची शक्यता असते. त्यामुळे या काळात उसाचा रस प्यायल्याने तुमची तब्येत चांगली राहू शकते.

- उसाचा रस दातांचा त्रास असलेल्या लोकांनाही चालू शकतो. मात्र तो मर्यादित प्रमाणात पिणे चांगले मानले जाते.

- तुमच्या चेहऱ्यावर पिंपल्स, चेहऱ्यावरचे डाग असल्यास उसाचा रस प्यायल्याने हा त्रास कमी होण्यास मदत होते. तुमच्या त्वचेचे आरोग्य चांगले राहते.