Sunday special: हॉटेलपेक्षा भारी आणि चवदार ; तवा पुलाव बनवा घरच्या घरी

सुट्टीच्या दिवशी काही तरी हटके रेसिपी झालीच पाहिजे, असा प्रत्येकाचा आग्रह असतो.
Tawa Pulao Recipe
Tawa Pulao RecipeEsakal

Tawa Pulao Recipe: सुट्टीच्या दिवशी काही तरी हटके रेसिपी झालीच पाहिजे असा प्रत्येकाचा आग्रह असतो.म्हणून आम्ही आज खास तुमच्यासाठी हॉटेलपेक्षा भारी आणि चवदार लागणारा तवा पुलाव घरच्या घरी कसा तयार करायचा याची रेसिपी घेऊ आलो आहोत.

चला तर मग बघू या तवा पुलाव रेसिपी..

साहित्य :

दोन वाटी बासमती तांदूळ

चार वाटी पाणी

बटर एक चमचा

चार मिरे, चार लवंगा, एक तमालपत्र

पावभाजी मसाला एक चमचा

व्हेज बिर्याणी मसाला एक टी स्पून

एक कांदा (उभा चिरलेला)

दोन बटाटे (उकडलेले)

दोन सिमला मिरची (उभी चिरलेली)

दोन गाजर (उभे चिरलेले)

वटाणे

आलं, लसूण पेस्ट एक चमचा

मीठ

तूप

कोथिंबीर

कढीपत्ता

Tawa Pulao Recipe
Sunday special: पारंपरिक पद्धतीने काशीफळाचे घारगे कसे तयार करावे?

कृती :

सर्वप्रथम चार वाटी पाणी उकळत ठेवा. आणि तांदूळ स्वच्छ धुवून घ्या. नंतर कुकरमध्ये थोडेसे बटर घेऊन त्यात मिरे, तमालपत्र, लवंग परतून घ्या. आता त्यात धुवून निथळलेले तांदूळ टाका आणि मीठ घालून ते एखादा मिनिट परतून घ्या. तांदूळ परतल्यावर त्यात गरम पाणी घाला आणि दोन शिट्ट्या घेऊन गॅस बंद करा.

गॅस बंद केल्यावर अगदी दोन मिनिटात शिट्टी करून भात मोठ्या परातीत टाकून पसरवून घ्यावा.

आता मोठ्या लोखंडी कढईत तूप किंवा बटर टाका. तूप तापलं की त्यात आलं, लसूण पेस्ट , कढीपत्ता आणि कांदा परतून घ्यावा. नंतर सगळ्या भाज्या टाकून त्या भाज्या परतवून घ्याव्या.

भाज्या शिजत शिजत आल्या की मग त्यात बिर्याणी मसाला, पावभाजी मसाला घालून हे मिश्रण चांगले एकजीव करावे. नंतर आपल्या अंदाजानुसार मीठ घालावे

सगळ्यात शेवटी भात टाकून हलवून घ्यावा. नंतर दणदणीत वाफ आणून कोथिंबीर घालावी आणि सर्व्ह करा तवा पुलाव.

टिप: भाताची शिते मोडणार नाहीत याची काळजी घ्यावी, हलक्या हाताने किंवा दोन चमच्यांनी परतावे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com