Yogini Ekadashi 2022: एकादशी स्पेशल करा 'हा' Tasty फराळ, जाणून घ्या रेसिपी | Upvas Faral | Sakal
sakal

बोलून बातमी शोधा

Yogini Ekadashi 2022 | Upvas Faral

Yogini Ekadashi 2022: एकादशी स्पेशल करा 'हा' Tasty फराळ, जाणून घ्या रेसिपी

आज ज्येष्ठ महिन्याच्या कृष्ण पक्षात येणारी योगिनी एकादशी आहे त्यानिमित्ताने आज आपण एकादशी स्पेशल फराळ रेसिपी पाहणार आहोत.

एकादशीला उपवासासाठी भगर हा एक सर्वोत्तम पदार्थ आहे. भगर पचायला हलकी असल्याने उपवासाच्या दिवशी भगर खाणे तब्येतीच्या दृष्टीने चांगले असते. पण भगर आणि आमटी हे दोन्ही पदार्थ करायला खुप वेळ लागतो . त्यामुळे तुम्हाला जर का भगर आणि आमटी असा पदार्थ टाळायचा असेल तर आम्ही तुम्हाला चवदार, खमंग लागणारी भगरीची खिचडी हा पर्यायी पदार्थ सुचवतो.पण आता ही भगरीची खिचडी करायची कशी ? ते सुध्दा आम्ही तुम्हाला सांगणार आहोत. (Do you konw the easy and tasty fasting recipe of bhagar check here)

हेही वाचा: Food Tips : घरच्या घरी तयार करा कांद्याची मसालेदार भाजी

चला तर मग बघू या भगरीच्या खिचडीची रेसिपी..

साहित्य

1) एक मध्यम आकाराची वाटीभर भगर

2) तीन हिरव्या मिरच्या

3) दोन चमचे तूप

4) जिरे

5) शेंगदाण्याचा कुट

6) गरम पाणी

7) दही

8) चवीनुसार मीठ

हेही वाचा: World Food Day 2021: चांगल्या आरोग्यासाठी बदला खाण्याच्या 'या' सवयी

कृती

  • भगरीची खिचडी करण्यासाठी आधी भगर स्वच्छ पाण्याने धुूवून घ्या आणि तिच्यातील पाणी चांगल निथळून घ्या.

  • नंतर गॅसवर कढई तापवण्यासाठी ठेवुन त्यात तूप घालावे.

  • तूप गरम झाले की त्यामध्ये जिरे टाकावेत. जिरे तडतडले की त्यामध्ये हिरव्या मिरचीचे बारीक तुकडे टाकावेत.

  • मिरच्या चांगल्या खरपुस परतल्या गेल्या की त्यामध्ये धुतलेली ओलसर भगर टाकावी.दोन ते तीन मिनिटे भगर तुपामध्ये आणि फोडणीमध्ये परतून घ्यावी.

हेही वाचा: School Food: विद्यार्थ्यांची पौष्टिक बिस्किटेही पोषण आहारातून गायब

  • भगर परतत असताना ती कढईला चिकटणार नाही याची काळजी घ्यावी. त्यामुळे भगर वारंवार हलवावी.

  • भगर परतल्या गेल्यानंतर त्यामध्ये पाणी टाकावे. साधारण भगरीच्या वर अर्धे बोट पाणी येईल, अशा पद्धतीने पाण्याचे प्रमाण ठेवावे.

  • पाण्याला उकळी येऊ लागली की त्यामध्ये दोन चमचे दही आणि चार चमचे शेंगदाण्याचा कुट आणि चवीनुसार मीठ टाकावे. सगळे मिश्रण हलवून व्यवस्थित एकत्र करून घ्यावे.यानंतर भगरीवर झाकण ठेवावे आणि चांगली वाफ येऊ द्यावी

  • दोन मिनिटांनी कढईवरचे झाकण काढून पहावे. भगरीला पाणी कमी पडते आहे, असे लक्षात आले तर पाणी गरम करावे आणि नंतर भगरीमध्ये टाकावे.

  • भगरीला वाफ आली आहे आणि ती शिजली आहे. असे लक्षात येताच गॅस बंद करावा आणि गरमागरम भगर सर्व्ह करावी.

टिप - दही नसल्यास भगरीमध्ये लिंबू पिळले तरी चालते. पण लिंबू किंवा दही यांचा वापर अवश्य करावा. यामुळे भगरीची चव अधिकच रूचकर लागते.

Web Title: Yogini Ekadashi Special Do You Konw The Easy And Tasty Fasting Recipe Of Bhagar Check Here

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top