मेक्सिकोत ड्रग्ज माफियाची दहशत; अटकेनंतर नौदलाचं हेलिकॉप्टर पाडलं, १४ ठार | Sakal
sakal

बोलून बातमी शोधा

Black Hawk Chopper
मेक्सिकोत ड्रग्ज माफियाची दहशत; अटकेनंतर नौदलाचं हेलिकॉप्टर पाडलं, १४ ठार

मेक्सिकोत ड्रग्ज माफियाची दहशत; अटकेनंतर नौदलाचं हेलिकॉप्टर पाडलं, १४ ठार

नवी दिल्ली : मेक्सिकोमध्ये शुक्रवारी एक मोठी दुर्घटना घडली असून नौदलाचं ब्लॅकहॉक हे अत्याधुनिक हेलिकॉप्टर कोसळल्यानं त्यात १४ जणांचा मृत्यू झाला आहे. हे हेलिकॉप्टर उत्तरेकडील राज्य सिनालोआ इथं कोसळलं. पण यामागे घातपात असण्याची शक्यता वर्तवण्यात आली असून या प्रकरणाची सखोल चौकशीचे आदेश स्थानिक सकारनं दिले आहेत. दरम्यान, सिनालोतील ड्रग्ज माफिया राफेल कारो क्विंटेरो याच्या अटकेमुळेच हा घातपात घडवल्याचे काही धागेदोरे मिळाल्याचं नौदलानं शुक्रवारी सांगितलं. (14 dead in Black Hawk chopper crash in Mexico after drug lord arrest)

हेही वाचा: टेनिस स्टार मारिया शार्पोव्हा झाली आई; इन्स्टावर शेअर केले बाळाचे फोटो

मेक्सिकोच्या नौदलानं शुक्रवारी राफेल क्वांटेरो या खतरनाक ड्रग्ज माफियाला अटक केली होती. राफेलनं सन १९८५ मध्ये अमेरिकेच्या अॅन्टी नार्कोटिक्स एजन्टचा छळ करुन हत्या केली होती. याच प्रकरणी त्याला शुक्रवारी मेक्सिकन पोलिसांनी अटक केली होती.

हेही वाचा: विजय शिवतारेंची शिवसेनेतून हकालपट्टी; 'सामना'तून दिली माहिती

मेक्सिकन नौदलानं आपल्या निवेदनात म्हटलं की, राफेल कारो क्विंटेरोला मेक्सिकोच्या ड्रग्ज तस्करीचं केंद्र असलेल्या सिनालोआ राज्यातील चोईक्स नगरपालिकेच्या हद्दीत पकडण्यात आलं. तो लपून बसला होता, असंही नौदलानं सांगितलं. ही अटक अमेरिकेच्या दबावानंतर झाली होती, मेक्सिकन अधिकाऱ्याच्या माहितीनुसार याच आठवड्यात मेक्सिकोचे अध्यक्ष आंद्रेस मॅन्युएल लोपेझ ओब्राडोर यांनी वॉशिंग्टनमध्ये अमेरिकेचे अध्यक्ष जो बिडेन यांची भेट घेतली.

हेही वाचा: अपात्रतेच्या मुद्द्याचा विधानसभेच्या कामावर परिणाम नाही : नार्वेकर

मेक्सिकोच्या रक्तरंजित ड्रग्ज युद्धांमधील सर्वात कुख्यात हत्यांपैकी एक माजी अमेरिकन ड्रग एन्फोर्समेंट अॅडमिनिस्ट्रेशन (DEA) एजंट 'एनरिक किकी कॅमरेना' यांची निर्घृण हत्या होय. यासाठी क्विंटरोने 28 वर्षे तुरुंगात घालवली. 2018च्या नेटफ्लिक्स मालिकेतील "नार्कोस: मेक्सिको" मध्ये त्याचा पाच दशकांच्या नाट्यमय प्रवास दाखवण्यात आला आहे.

Web Title: 14 Dead In Black Hawk Chopper Crash In Mexico After Drug Lord Arrest

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :global news