अमेरिकेतील मॉलमधील गोळीबार प्रकरणात 15 वर्षांच्या मुलाला अटक

अमेरिकेतील विस्कॉन्सिन मॉलमध्ये झालेल्या गोळीबार प्रकरणात एकाला अटक करण्यात आली आहे. दोन गटातील वादातून मॉलमध्ये झालेल्या गोळीबारात 8 जण गंभीर जखमी झाले होते. गोळीबाराच्या घटनेनंतर 15 वर्षीय मुलगा अन्य लोकांसह मॉलच्या बाहेर पळत आला होता, अशी माहिती देखील पोलिसांनी दिलीय.

पोलिस अधिकाऱ्याने याप्रकरणात 15 वर्षीय मुलाला अटक केल्याचे स्पष्ट केले असले तरी त्याच्या नावासंदर्भात कोणताही खुलासा करण्यात आलेला नाही. त्याच्यावर कोणता गुन्हा दाखल केला आहे, हे देखील स्पष्ट करण्यात आलेले नाही. संबंधित मुलाकडून हत्यार देखील जप्त करण्यात आल्याचे पोलिसांनी म्हटले आहे. 

ब्रिटनमध्ये लवकरच ‘हिवाळी लॉकडाउन’ शक्य

पोलिसांनी दिलेल्या माहितीनुसार, शनिवारी मॉल बंद होता. या घटनेनंतर रविवारी मॉल पुन्हा सुरु करण्यात आलाय. दोन गटात कोणत्या तरी कारणावरुन वाद झाल्यानंतर गोळीबाराची घटना घडली होती, असे पोलिसांनी म्हटले आहे.

देशभरातील इतर बातम्या वाचण्यासाठी येथे क्लिक करा

विस्कॉन्सिन (Wisconsin mall) येथील मॉलमध्ये शुक्रवारी अंदाधूंद गोळीबार झाला होता. या गोळीबारात 8 लोकं गंभीर जखमी झाले. सुदैवाने कोणलाही प्राण गमवावे लागले नव्हते.  गोळीबार सुरू होताच पोलिसांनी संपूर्ण परिसर घेरला होता.  75 अधिकारी घटनास्थळी पोहोचले होते. गोळीबाराचा व्हिडिओ सोशल मीडियावरही चांगलाच व्हायरल झाला होता.