Coronavirus : खूशखबर ! भारतात आठवड्याला बनणार पाच लाख रॅपिड टेस्टिंग किट्स

नवी दिल्ली : कोरोना व्हायरसची जलदतगतीने चाचणी करण्यासाठी दक्षिण कोरिया स्थित कंपनी हरयाणा मानेसरमध्ये रॅपिड टेस्टिंग किटसची निर्मिती करणार आहे. या कंपनीचे प्रमुख यंग-शीक चो यांनी भारतीय राजदूत श्रीप्रि रंगनाथन यांच्याबरोबर चर्चा केली आहे असल्याचे भारतीय दुतावासाकडून सांगण्यात आले आहे.

बातम्या ऐकण्यासाठी डाऊनलोड करा ई-सकाळचे ऍप

चीनमधून मागवण्यात आलेले काही रॅपिड टेस्टिंग किटस सदोष निघाले आहेत. या किट्सबद्दल अनेकांनी तक्रारी केल्या आहेत. त्या पार्श्वभूमीवर ही दिलासा देणारी बातमी आहे. कोरोना व्हायरसचे हॉटस्पॉट असलेल्या भागांमध्ये या रॅपिड टेस्टिंग किट्सचे वितरण करण्यात आले आहे. एसडी बायोसेन्सर या बायो डायग्नॉस्टिक कंपनीने मानेसर येथील प्रकल्पामध्ये उत्पादन सुरु केले आहे. आठवडयाला पाच लाख किटसची निर्मिती येथे करण्यात येईल. अशी माहिती दक्षिण कोरियातील भारतीय दूतावासाकडून ट्विट करुन देण्यात आली आहे. 

दरम्यान, भारतात २० हजारापेक्षा जास्त कोरोनाचे रुग्ण आहेत. जगभरात २५ लाखापेक्षा जास्त नागरिकांना या व्हायरसची लागण झाली आहे. १ लाख ६५ हजारपेक्षा जास्त नागरिकांनी आपले प्राण गमावले आहेत.