Russia : रशियात सैन्य तैनात करण्याचे पुतिन यांचे आदेश; पाश्चात्य देशांनाही दिला इशारा

रशियाचे राष्ट्राध्यक्ष व्लादिमीर पुतिन यांनी आज युक्रेन युद्धादरम्यान देशात अंशतः सैन्य तैनात करण्याचे आदेश दिले आहेत. पाश्चिमात्य देश रशियाला उद्ध्वस्त करून कमजोर करण्याचा कट रचत असल्याचा आरोप त्यांनी केला. या देशांनी मर्यादा ओलांडली आहे असंही रशियाचे राष्ट्राध्यक्ष व्लादिमीर पुतिन म्हणालेत. त्याच वेळी, पुतिन यांनी पाश्चात्य देशांना इशारा दिला आहे. जर देशाच्या अखंडतेला धोका निर्माण झाला तर रशिया सर्व उपलब्ध मार्गांचा वापर करेल.

रशियन वृत्तसंस्था आरटीने पुतीन यांच्या हवाल्याने हे वृत्त दिले आहे. RT नुसार, पुतिन यांनी म्हटले आहे की पाश्चात्य देश रशियाला संपवण्याचे आवाहन करत आहेत, परंतु आपल्या देशबांधवांचे भविष्य सुरक्षित करण्यासाठी हे पाऊल उचलत आहेत.

याच पार्श्वभूमीवर रशियाचे अध्यक्ष व्लादिमीर पुतिन यांनी बुधवारी आपल्या देशाच्या सैन्याची अंशतः जमवाजमव करण्याची घोषणा केली आहे. देशाला संबोधीत करताना, क्रेमलिनने दक्षिण आणि पूर्व युक्रेनच्या व्यापलेल्या भागांना जोडण्याची योजना आखल्याचा संकेत देखील दिला आणि कीवने त्या जमिनीवर पुन्हा दावा करण्याचे प्रयत्न सुरू ठेवल्यास आण्विक हल्ला करण्याची धमकीही दिली आहे.