कोरोना संसर्ग असताना आता डेल्टा व्हेरियंटच्या प्रादुर्भाव वाढू लागला आहे. जगभरात कोरोनाच्या डेल्टा व्हेरियंटच्या रुग्णांची संख्या वाढू लागली आहे. त्यातच आता स्कॉटलँडमधील संशोधकांनी एका अभ्यासात केलेल्या दाव्यामुळे चिंता वाढली आहे.
नवी दिल्ली- कोरोना संसर्ग असताना आता डेल्टा व्हेरियंटच्या प्रादुर्भाव वाढू लागला आहे. जगभरात कोरोनाच्या डेल्टा व्हेरियंटच्या रुग्णांची संख्या वाढू लागली आहे. त्यातच आता स्कॉटलँडमधील संशोधकांनी एका अभ्यासात केलेल्या दाव्यामुळे चिंता वाढली आहे. डेल्या व्हेरियंट कोरोना विषाणूची गंभीरता दुपटीने वाढवतो आणि अॅस्ट्राझेनेकाची लस अल्फा व्हेरियंटपेक्षा डेल्टा व्हेरियंटवर कमी प्रभावी असल्याचा दावा करण्यात आला आहे. यासंदर्भातील अभ्यास स्कॉटलँडच्या संशोधकांनी लॅन्सेटमध्ये प्रसिद्ध केला आहे. (AstraZeneca vaccine could be less effective against Delta variant Scotland study in Lancet)
डेल्टा व्हेरियंट सर्वप्रथम भारतात आढळला होता. या व्हेरियंटमुळे संसर्गाचा वेग वाढतो, असं सांगितलं जातंय. अल्फा व्हेरियंट यूकेमध्ये आढळून आला होता. अद्यापतरी कोरोना प्रतिबंधक लशी डेल्टा व्हेरियंटवर प्रभावी असल्याचं आढळून आलं आहे. असं असलं तरी नव्या व्हेरियंटमुळे लशीच्या क्षमतेवर परिणाम पडला आहे. स्कॉटलँडमधील संशोधकांनी एप्रिल ते जून दरम्यान कोरोना रुग्णांवर अभ्यास केला. ६ जुनपर्यंत स्कॉटलँडमध्ये ५९.४ टक्के लोकांना लशीचा पहिला डोस मिळाला होता, तर ३९.४ टक्के लोकांना दोन्ही डोस मिळाले होते. देशात ऑक्सफर्ड-अॅस्ट्राझेनेका आणि फायझर-बायोएनटेकची लस दिली जात आहे.
संशोधकांना काय आढळून आलं?
अल्फा व्हेरियंटपेक्षा डेल्टा व्हेरियंटमध्ये कोरोना विषाणूचा धोका दुपटीने वाढतो, असं संशोधकांना आढळून आलं आहे. तसेच डेल्टा व्हेरियंटची लागण झालेल्या रुग्णाला हॉस्पिटलमध्ये दाखव व्हावं लागण्याची शक्यता वाढते. संशोधकांना अॅस्ट्राझेनेका आणि फायझर या दोन्ही लसी डेल्टा व्हेरियंटवर प्रभावी असल्याचं आढळून आलंय, पण अल्फा व्हेरियंटवर लस जास्त प्रभावी आढळत आहेत.
संशोधकांना असंही आढळून आलंय की डेल्टा व्हेरियंटला रोखण्यात फायझर-बायोएनटेकची लस (Pfizer–BioNTech) ऑक्सफर्ड-अॅस्ट्राझेनेकाच्या (Oxford–AstraZeneca) लशीपेक्षा अधिक प्रभावी आहे. भारतात डेल्टा व्हेरियंटचे रुग्ण वाढत असताना या अभ्यासाला महत्व आहे. भारतातील एका मोठ्या संख्येला अॅस्ट्राझेनेकाची लस मिळत आहे. भारतात या लशीची निर्मिती सीरम इन्स्टिट्यूट 'कोविशिल्ड'च्या नावाने करत आहे. शिवाय भारतात डेल्टा प्लसचे रुग्ण आढळून येत असल्याने चिंता वाढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
