दक्षिण नायजेरियात चर्चमध्ये चेंगराचेंगरी; किमान ३१ जणांचा मृत्यू

दक्षिण नायजेरियातील पोर्ट हार्कोर्ट शहरातील चर्चमधील एका कार्यक्रमात झालेल्या चेंगराचेंगरीत किमान 31 जणांचा मृत्यू झाला असून सात जण जखमी झाल्याचा प्रकार समोर आला आहे. (church stampede in southern nigeria)

स्थानिक पोलिसांनी दिलेल्या माहितीनुसार पाहाटे लोक चर्चमध्ये जमले होते. दरम्यान शनिवारी पहाटे चर्चमध्ये अन्न घेण्यासाठी आलेले शेकडो लोकांची गर्दी झाली होती,या लोकांनी गेट तोडले त्यामुळे चेंगराचेंगरी झाली, रिव्हर्स स्टेटचे पोलिस प्रवक्ते ग्रेस इरिंज-कोको यांनी सांगितले.

लोक आधीपासून तिथे होते आणि त्यापैकी काहीजण घाई करू लागले, ज्यामुळे चेंगराचेंगरी झाली. तपास चालू असून पोलीस परिस्थितीवर लक्ष ठेवून आहेत, इरिंज-कोको यांनी रॉयटर्सला सांगितले.