अमेरिकेचे नियोजित अध्यक्ष ज्यो बायडेन यांनी आजच्या हिंसाचाराचा निषेध करताना, हा लोकशाहीवर झालेला हल्ला असल्याची टीका केली. ‘ही अनाकलनीय घटना आहे. आपल्या लोकशाहीवर हल्ला झाला आहे. हा हल्ला लोकप्रतिनिधींवर, पोलिस अधिकाऱ्यांवर आणि सरकारी अधिकाऱ्यांवर झाला आहे. हा हल्ला कायदा आणि सुव्यवस्थेवरही आहे. लोकसेवेच्या अमेरिकेच्या ध्येयावरच हा हल्ला आहे,’ अशी प्रतिक्रिया बायडेन यांनी व्यक्त केली आहे.
बायडेन यांनी केलेले भाषण दूरचित्रवाणीवरून सर्वत्र दाखविले गेले. कॅपिटॉलवर दिसलेले चित्र म्हणजे खरी अमेरिका नव्हे. समाजकंटकांच्या एका गटाने केलेला हा हल्ला होता. ही अराजकता आहे. याचा शेवट आताच होणे आवश्‍यक आहे, असे बायडेन यावेळी म्हणाले. ‘कॅपिटॉलवर हल्ला करणे, खिडक्या फोडणे, कार्यालयांवर ताबा मिळविणे, सुरक्षेला धोका पोहोचविणे, ही घुसखोरी आहे. सगळे जग आपल्याकडे पहाते आहे. मला अत्यंत धक्का बसला असून मी प्रचंड निराश झालो आहे. जगासाठी दीपस्तंभ असलेल्या या देशाला हा काळा दिवसही पहावा लागला आहे,’ असे बायडेन म्हणाले.
इलेक्टोरल कॉलेजची मतमोजणी ही पवित्र प्रक्रिया असून लोकशाहीची ताकद सिद्ध करण्याची घटना आहे. आजच्या घटनेने मात्र लोकशाहीदेखील नाजूक असल्याचे दाखवून दिले आहे, असेही निराश उद्घार बायडेन यांनी काढले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.