मोठी बातमी! लहान मुलांवर 100 टक्के प्रभावी असलेली लस आली

नवी दिल्ली- कोरोना महामारीचा प्रादुर्भाव जगभरात वाढत आहे. अनेक देशांमध्ये कोरोनाची दुसरी लाट आली आहे. भारतामध्येही कोरोना रुग्णंसख्या लक्षणीयरीत्या वाढत आहे. कोरोनावर मात करण्यासाठी अनेक देशांनी लसीकरण मोहीम हाती घेतली आहे. सुरुवातीच्या टप्प्यामध्ये आरोग्य कर्मचाऱ्यांना लस देण्यात आली. आता भारतात ४५ वर्षे वयांपुढील व्यक्तींना कोरोनाची लस दिली जाणार आहे. अशात लहान मुलांसाठी कोरोनाची लस कधी उपलब्ध होईल, असा प्रश्न विचारला जात होता. बायोएनटेक- फायझर BioNTech-Pfizer कंपनीने यासंदर्भात एक आनंदाची बातमी दिली आहे. कंपनीची कोरोनावरील लस १२ ते १५ वयोगटातील मुलांवर १०० टक्के प्रभावी असल्याचं सांगण्यात आलं आहे. त्यामुळे लहान मुलांसाठी कोरोनावरील लस लवकरच उपलब्ध होण्याची शक्तता निर्माण झाली आहे. एका न्यूज एजन्सीने यासंदर्भातील वृत्त दिलंय. बायोएनटेक- फायझर कंपनीने १२ वर्षांखालील मुलांवर कोरोनावरील लशीचे परिक्षण सुरु केले होते. 

कंपनीने दावा केलाय की लस १२ ते १५ वर्ष वयोगटातील मुलांसाठी प्रभावी आहे. अमेरिकेमध्ये १६ वर्षे आणि त्यावरील वयाच्या तरुणांना फायझरची लस दिली जात आहे. मॉडर्ना लशीचे परिक्षणही लहान मुलांवर केले जात आहे. त्यामुळे लवकरच लहान मुलांसाठी लसीकरण सुरु केले जाण्याची शक्यता आहे. कोरोना विषाणूसाठी लहान मुलांना संवेदनशील मानलं जातंय. शिवाय पालकांना आपल्या मुलांची काळजी सतावत आहे. 

एक्स-गर्लफ्रेंडच्या आरोपानंतर ब्रिटनच्या पंतप्रधानांची चौकशी

भारतात लसीकरण मोहिमेने गती घेतली आहे. देशात १६ जानेवारीपासून लसीकरण मोहीम हाती घेण्यात आली होती. सुरुवातीच्या टप्प्यात आरोग्य कर्मचारी आणि फ्रंटलाईन वर्कर्संना कोरोनावरील लस देण्यात आली. त्यांनतर १ मार्चपासूनच्या दुसऱ्या टप्प्यात ६० वर्षांवरील व्यक्ती आणि ४५ वर्षांवरील असाध्य रोगांनी पछाडलेल्या लोकांना कोरोनावरील लस देण्यात येत आहे. लसीकरणाऱ्या तिसऱ्या टप्प्यात ४५ वर्षांपुढील सर्व व्यक्तींना लस दिली जाणार आहे. १ एप्रिलपासून लसीकरणाचा तिसरा टप्पा सुरु करण्यात येणार आहे. असे असले तरी भारत सरकारने कोणत्याही लशीला लहान मुलांवरील वापरासाठी मंजुरी दिलेली नाही.

लोकशाहीद्रोही भाजपशी लढण्याची हिच वेळ

देशात सीरम इन्स्टिट्यूटची कोविशिल्ड आणि भारत बायोटेकची कोवॅक्सिन लस नागरिकांना दिली जात आहे. कोरोनाचे संक्रमण वाढत असताना सर्व वयोगटातील लोकांना कोरोनाची लस दिली जावी अशी मागणी होत आहे. त्यामुळे येत्या काळात सर्व वयोगटातील व्यक्तींना लस देण्याची मोहीम हाती घेतली जाण्याची शक्यता आहे.