सबस्क्राईब करा
British nurse Lucy Letby imprisoned for life
नवी दिल्ली- सात नवजात बालकांच्या हत्येप्रकरणी अटकेत असलेल्या महिलेला कोर्टाने आजन्म तुरुंगवासाची शिक्षा सुनावली आहे. ब्रिटेनमध्ये नर्स म्हणून काम करणाऱ्या महिलेने नुकत्याच जन्मलेल्या सात बाळांची हत्या केली होती, तर सहा जणांच्या हत्येचा प्रयत्न केला होता. याप्रकरणी मँचेस्टरच्या क्राउन कोर्टाने सोमवारी निर्णय दिला असून आजन्म तुरुंगवासाची शिक्षा सुनावलीये.
लुसी Lucy Letby, ३३ असं महिला नर्सचे नाव आहे. लुसीच्या गुन्ह्याची क्रूरता लक्षात घेता कोर्टाने ही शिक्षा सुनावली. तसेच कोणत्याही प्रकारच्या जामीन देण्याला नकार दिला आहे. कोर्टाने यावेळी म्हटलं की, महिलेला आपल्या कृत्याबद्दल काहीही पश्चाताप नाही. तसेच तिने आपला गुन्हा नाकारलेला नाही. त्यामुळे तिच्या शिक्षेमध्ये सूट देण्याचा कोणताही प्रश्न उद्भवत नाही.
लुसीला पकडून देण्यात भारतीय वंशाच्या डॉक्टरने महत्त्वाची भूमिका बजावली होती.पोलिसांना लुसीच्या घरी विविध प्रकारच्या नोट्स लिहिलेल्या आढळल्या होत्या. यातील बहुतांश नोट्समध्ये 'मी सैतान आहे.' असं लिहिलेलं दिसून आलं होतं. कोर्टाने तिला याआधीच दोषी ठरवलं होतं. सोमवारी याचा निकाल येणार होता.
लुसी नर्सने काही बाळांना हवेचं, इन्सुलिनचं इंजेक्शन देऊन मारलं. तर, काहींना अधिक प्रमाणात दूध पाजून आणि काहींना मारहाण करून त्यांची हत्या केली. तिने अशा प्रकारे सात बाळांचा जीव घेतला आणि इतर सहा बाळांची हत्या करण्याचा प्रयत्न केला; मँचेस्टरच्या क्राउन कोर्टात सांगण्यात आलं.
कधीचं आहे प्रकरण?
हे प्रकरण 2015-16 सालचं आहे. या एका वर्षामध्ये लुसीने 13 बाळांच्या हत्येचा प्रयत्न केला होता. ती काउंटीज ऑफ चेस्टर रुग्णालयात काम करत होती. बाळांची हत्या करून, हे मृत्यू नैसर्गिकरित्या होत असल्याचं तिला दाखवायचं होतं, असं वकीलांनी सांगितलं. या प्रकरणी शुक्रवारी तिला दोषी ठरवण्यात आलं. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.