India Canada Dispute : ट्रूडोंच्या वक्तव्यांमुळे तपासात अडथळा; निज्जर हत्येप्रकरणी भारतीय राजदूताचा मोठा खुलासा

खलिस्तान समर्थक हरदीप सिंह निज्जर याच्या हत्येवरून कॅनडा आणि भारत यांच्यात वाद सुरू आहे. यादरम्यान भारताचे उच्चायुक्त संजय कुमार वर्मा यांना खलिस्तानी दहशतवादी हरदीप सिंह निज्जर याच्या हत्येबाबत जस्टीन ट्रू़डो यांनी केलेल्या आरोपांवर पुन्हा एकदा पुरावे मागीतले आहेत.

भारतीय राजदूत संजय कुमारप यांनी द ग्लोब एंड मेल ला सांगितलेल्या माहितीनुसार निज्जर ची हत्येमध्ये भारताचा संबंध असल्याबद्दल कॅनडा किंवा त्यांच्या सहकाऱ्यांनी कुठलाही ठोस पुरावा दिला नसल्याचे म्हटले आहे. त्यांनी कॅनडाच्या पोलीसांनी भारताला कुठलाही पुरवा दाखवला नाही. तसेच त्यांनी पंतप्रधान जस्टीन ट्रूडो यांनी केलेल्या वक्तव्यांमुळ तपासात अडथळे आल्याचे देखील म्हटले आहे.

कॅनडाचे पंतप्रधान जस्टीन ट्रूडो यांनी जून मध्ये निज्जर याच्या हत्येत भारत सराकरच्या एजंट्सचा हात असल्याचा आरोप केला होता. या आरोपांवर भारताने नाराजी व्यक्त केली होती. भारताने आरोप बिनबुडाचे असल्याचा सांगत फेटाळले होते.

या प्रकरणात तपासात मदत करण्यासाठी आम्हाला कोणतीही विशिष्ट किंवा संबंधित माहिती देण्यात आलेली नाही, असे उच्चायुक्त संजय कुमार वर्मा म्हणाले.

तपासाचा पुरावा आणि निष्कर्ष कुठे आहेत? मी एक पाऊल पुढे जाऊन म्हणेन की तपास आधीच दूषित झाला आहे. यामागे भारत किंवा भारतीय एजंट आहेत, असे सांगण्याचा सूचना उच्च पातळीवरून कोणीतरी दिल्या आहेत.

निज्जर याच्या हत्येमागे भारताचा सहभाग ठामपणे नकारत वर्मा म्हणाले की, राजनैतिकांमध्ये झालेले कोणतेही संभाषण संरक्षित आहे आणि ते न्यायालयात पुरावा म्हणून वापरले जाऊ शकत नाही.