China Covid Outbreak : चीनमध्ये साधी डोकेदुखीची गोळी मिळेना; कोरोनाचा हाहाःकार

नवी दिल्लीः चीनमध्ये कोरोनाचा उद्रेक झाल्याचं दिसून येत आहे. चीनमधून खरी आकडेवारी समोर येत नाही मात्र मीडिया रिपोर्डनुसार दररोज शेकडो लोकांचा संसर्गामुळे मृत्यू होतोय.

गंभीर बाब म्हणजे सध्या चीनमध्ये मेडिसिनचा तुटवडा जाणवत आहे. साधी पेनकिलर किंवा डोक्याच्या गोळीसाठी नागरिकांना रांगा लावाव्या लागत आहेत.

Ibuprofen यासारखं साधं औषढ दुर्मिळ झालं आहे. ही गोळी भारतात अगदी सहजगत्या मिळते. महत्त्वाचं म्हणजे एक व्यक्ती मेडिकलमधून फक्त 6 आयबुप्रोफेन टॅबलेट घेऊ शकतो. लोकांच्या जास्तीच्या मेडिसीन खरेदीवर सरकारने निर्बंध लावल्याची माहिती आहे.

'ग्लोबल टाईम्स'च्या माहितीनुसार जियांग्सू राज्याची राजधानी असलेल्या नानजिंगमध्ये आयबुप्रोफेनचा तुटवडा दूर करण्यासाठी रोज २० लाख गोळ्या मार्केटमध्ये पाठवल्या जात आहेत. तरीही लोकांना त्या अपुऱ्या पडतायत. त्यामुळे एका व्यक्तीला केवळ ६ टॅबलेट दिल्या जात आहेत.

हेही वाचा: असं एक गाव, जिथं जमिनीला कान लावला तरी संगीत ऐकू येतं...

सध्या चीनमध्ये कोरोनाचा ओमिक्रॉन व्हेरिएंट बीए.५.२ आणि बीएफ. ७ ने हाहाःकार माजवला आहे. या नव्या व्हेरिएंचं संक्रमण गतीने होत आहे. तज्ज्ञांच्या अंदाजानुसार पुढच्या ९० दिवसांमध्ये चीनच्या ६० टक्के जनतेला कोरोनाची लागण होऊ शकते. एकूणच पुन्हा एकदा जगभरात कोरोनाच्या लाटेचा धोका व्यक्त होत आहे.