बीजिंग : चीनने गुरुवारी तैवानच्या समुद्रात बॅलिस्टिक क्षेपणास्त्रे डागली. तसेच लढाऊ विमाने आणि युद्धनौका तैनात केल्या. शिवाय तैवानभोवती आतापर्यंतचा सर्वात मोठा लष्करी सराव केला. यूएस हाऊस स्पीकर नॅन्सी पेलोसी यांच्या तैवान भेटीनंतर चीन संतप्त झाला आहे. त्यानंतर चीनकडून ११ बॅलिस्टिक क्षेपनास्त्रे डागण्यात आल्याचं सांगण्यात येत आहे. (China-Taiwan tensions)
मागील अनेक वर्षांमध्ये तैवानला भेट देणाऱ्या पेलोसी एकमेव हायप्रोफाईल यूएस अधिकारी आहे. त्यांनी धमक्यांकडे दुर्लक्ष करत तैवानला भेट दिली. त्याला प्रत्युत्तर म्हणून, चीनने तैवानच्या आजूबाजूच्या अनेक झोनमध्ये सरावांची मालिका सुरू केली. हे हल्ले जगातील सर्वात व्यस्त शिपिंग लेन असलेल्या किनाऱ्यापासून केवळ २० किमी अंतरावर करण्यात आले.
ईस्टर्न थिएटर कमांडचे प्रवक्ते वरिष्ठ कर्नल शी यी यांनी एका निवेदनात म्हटले की, क्षेपणास्त्रांची अचूकता आणि शत्रूला एखाद्या भागात प्रवेश किंवा नियंत्रण नाकारणे हाच या हल्ल्यामागचा उद्देश होता.
तैवानने सांगितले की, चिनी सैन्याने १1 बॅलिस्टिक क्षेपणास्त्रे डागली. ज्यामुळे प्रादेशिक शांतता बिघडली आहे. याचा आम्ही निषेध करतो. मात्र क्षेपणास्त्रे आदळली किंवा बेटावरून उड्डाण केला का याविषयी तैपेईने सांगितले नाही. दुसरीकडे लष्करी कवायती रविवारी दुपारपर्यंत चालतील असे बीजिंगकडून सांगण्यात आलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
